د لاسرسي لېنکونه

چهارشنبه ۲۳ لړم ۱۳۹۷ کابل ۰۳:۱۸

د فوټبال ۱۷کلن افغان لوبډله د هندوستان پر وړاندې لوبېږي


د افغانستان د ۱۷ کلنو فوټبال ملي لوبډله نن په یوه نړیواله سیالۍ کې د هندوستان پر وړاندې لوبېږي.

د فوټبال فدراسیون د ویاند مرستیال شمس امیني ازادي راډيو ته وویل، دا لوبه نن ماښام په هندوستان کې ترسره کېږي.

د دواړو هېوادونو ترمنځ دا لوبه د سبروتو په نوم د نړیوالو سیالیو په ترڅ کې ترسره کېږيچې په‎کې ۴۰ اسیايي او اروپايي لوبډلو ګډون کړی دی.

دا سیالۍ په هندوستان کې ترسره کېږي او افغان۱۷ کلنه فوټبال لوبډله د سې شنبې په ورځ په دغو سیالیو کې د لوبو لپاره هغه هېواد ته لاړه.

د افغانستان او هندوستان تر منځ له لوبې سرهدغه نړیوالې سیالۍ هم په رسمي ډول پیلېږي.

له دې وروسته په پلان کې ده چېد افغانستان بله سیالۍ د روانې نوومبر میاشتې په لسمه او او وروستۍ یوه يې په ۱۲مه نېټه تر سره شي.

بل‎خوا د فوټبال د ملي لوبډلې لوبغاړي امرالدین شریفي د قرغزستان د فوټبال په غوره‎لیګسیالیو کې د ۲۲ ګولونو په وهلو سره د دغو سیالیو د دوهم غوره ګول وهونکي مقام خپل کړ.

امرالدین شریفي د دغه لیګ اړوند الي اوش لوبډله کې لوبېده.

دا لوبډله چې افغان لوبغاړی شریفي یې هم غړی دی، د قرغزستان د غوره لیګ سیالیو پای لوبې ته هم رسېدلې وه، خو تېره شپه يې لوبه خپلې سیالې لوبډلې ته وبایلله.

XS
SM
MD
LG