په پام کې ده نن سې شنبه د افغانستان او هندوستان د کرکټ ملي ټيمونه د مسابقې ډګر ته ووځي.
د اسيايي جام په لړ کې دغه مسابقه نن د افغانستان پر وخت د مازيګر څلور بجې په دبۍ کې کېږي.
د کرکټ بورډ مطبوعاتي مسوول فريد هوتک ازادي راډيو ته وويل، د افغانستان ټيم له منظم پلان سره د مسابقې ډګر ته وځي:
"د افغانستان د کریکټ ملي لوبډله دغې سيالۍ ته پوره چمتووالى لري او ان شا اله چې په منظم پلان سره به د هندوستان په وړاندې د لوبې ډګر ته کښته شي."
هندوستان د څلورو نومرو په لرلو سره د څلورو غوره ټيمونو د جدول په سر کې دى.
افغانستان د دويم پړاو دواړه مسابقې يوه پاکستان بله بنګله دېش ته بايللې ده.