د فوټبال د نړیوال جام کوربه هېواد، روسیه او اروګوئه د لوبو دوهم پړاو ته بریالي شول.
د دې جام لوبو په ترڅ کې نن پنجشنبه درې لوبې کېږي.
د افغانستان په وخت څلور نیمې بجې، ډنمارک له استرالیا سره مسابقه کوي.
اووه نیمې بجې فرانسه له پيرو سره او لس نیمې بجې ارجنټاین له کروشیا سره.
پرون چهارشنبه پرتګال یو د صفر په وړاندې مراکش مات کړ.
اروګوئه د یوه ګول په وهلو عربستان ته شکست ورکړ او اسپانیا یو د صفر په مقابل کې ایران ته ماتې ورکړه.