- سټارز اېنډ سټرایپس
سټارز اېنډ سټرایپس امریکايي ورځپاڼې په خپله وروستۍ ګڼه کې لیکلي دي.
په جرمني کې یوه پوځي اډه چې یو مهال پهکې امریکايي سرتېري روزل کېدل، اوس د هغو افغانانو د درملنې په مرکز بدله شوې چې له جګړې تښتیدلي دي.
ورځپاڼه وايي، د جرمني په لویدیځ راین اند فالس ایالت کې د رواني ناروغانو د درملنې په مرکز کې د هغو افغانانو درملنه هم کېږي چې د جګړې له امله په ژور خفګان اخته شوي او یا له رواني ستونزو سره مخ دي.
سټارز اېنډ سټرایپس ورځپاڼې د دوه افغانانو نعمتالله او قادر جعفري په اړه چې پهدې معالجوي مرکز کې دي، لیکلي دي:
نعمتالله د فاریاب ولایت له هغې سیمې راغلی چې د طالبانو په کنټرول کې ده.
نوموړی د ایران، ترکيې او بیا یونان له لارې جرمني ته رسیدلی دی.
ورځپاڼه زیاتوي:
د نعمتالله پلار کله چې دی له افغانستانه ووت، وفات شو او کله چې دی خپل پلار یادوي نو اوښکې تویوي او وايي، د دې خاطراتو بیانول ورته سخت دي.
قادر جعفري چې ۳۳ کلن دی واک ته د طالبانو تر رسېدو وروسته له افغانستانه جرمني ته راغلی دی او دلته د کډوالو په یوه لاګر کې ژوند کوي.
د هغه ډاکټر وايي، جعفر د سکتسوفریني یا دوه قطبي په نامه په یوه ډول رواني ناروغی اخته دی چې له املهيې انسان یوه ورځ په یو او بله په بل ډول ذهني او رواني وضعیت کې وي.
جعفري په موبایل کې د خپلو عزیزانو د مړو تصویرونه ښکاره کوي چې په افغانستان کې په جګړو کې وژل شوي دي.
ورځپاڼه وايي، په جرمني کې د دې دواړو افغانانو د پناه غوښتنه رد شوې ده او دواړه اوس د خپل برخلیک په اړه د محکمې پریکړې ته منتظر دي.
- انډیپنډنټ
انډیپنډنټ ورځپاڼې لیکلي دي چې د بریتانيې حکومت د هغو ژباړونکو په ساتنه او له هغوی نه په ملاتړ کې پاتې راغلی دی چې له بریتانوي ځواکونو سره يې مرسته کړې ده.
شاوخوا ۷ زره افغان ژباړونکو له بریتانوي ځواکونو سره همکارۍ کړې ده چې اوس د همدې همکارۍ په خاطر د طالبانو لهخوا د مرګ له خطر سره مخ دي.
انډیپنډنټ د بریتانيې د پارلمان د یوه غړي په حواله وايي، د بریتانيې حکومت د دې ژباړونکو پوروړی دی او باید خپل دین ادا کړي.
جولین لوییس چې د پارلمان د دفاعي کمېټې مشر دی خبرداری ورکوي چې که له ژباړونکو سره دا چلند دوام وکړي، نو په بهر نړۍ کې د راتلونکو ماموریتونو پرمهال به ورته د محلي ژباړونکو پیدا کیدل ګران وي.