د لاسرسي لېنکونه

سه شنبه ۳ تله ۱۳۹۷ کابل ۰۷:۲۲

د پاکستان صدراعظم به نن جمعه د یو ورځني سفر په مقصد کابل ته راشي


د پاکستان صدراعظم شاهد خاقان عباسي به نن جمعه د یو ورځني سفر په مقصد کابل ته ورسېږي.

د افغان او پاکستاني مشرانو د خبرو د اجنډا مهمه برخه به د سولې خبرو ته د طالبانو په هڅولو کې د اسلام آباد همکاري وي.

د جمهوري ریاست مرستیال ویاند دواخان مینه پال ازادي راډیو ته وویل، افغان حکومت هیله مند دی چې د دې سفر نتیجه به د کابل او اسلام آباد نژدې کېدل وي.

ښاغلي مینه پال زیاته کړه:

"موږ د ترورېزم پرضد په مبارزه کې، د سولې په بهیر او د سیمه ییزې همکارۍ په برخه کې له پاکستانه تمه لرو."

ولسمشر اشرف غني تېره میاشت ښاغلي عباسي ته رسمي بلنه ورکړه چې د دولتونو په کچه د خبرو لپاره کابل ته سفر وکړي.

XS
SM
MD
LG