- سټارس اېنډ سټرایپس
سټارس اېنډ سټرایپس ورځپاڼې افغانستان ته د استول شویو نورو امریکایي سرتېرو په اړه یو مطلب تر دې سرلیک لاندې چې پوځ هیلهمند دی چې دغه نوي جزوتامونه به د افغانستان په جګړه کې درېدلی حالت لهمنځه یوسي، لیکي:
«بریدګی شاون مورګان» چې ۱۷ کالهیې د امریکا په پوځي پلي ځواکونو کې خدمت کړی او پنځه ځلې جګړو ته د استولو تجربه لري، دا ځل افغانستان ته د هغې لوا په چوکاټ کې استول شوی چې دندهیې په مستقیم ډول په جګړو ګډون نه، بلکه د جګړې په لومړۍ کرښه کې افغان امنیتي ځواکونو ته روزنه ورکول دي.
نوموړی وایي، مأموریت بهیې اسانه نهوي، خو دغه د جګړې لپاره د روزل شویو ځانګړو سلاکارانو لومړنۍ لوا د دغه مأموریت د ترسره کولو لپاره یو درست تشکیل دی چې په دې هېواد کې د طالبانو په وړاندې په دغې ۱۶ کلنه جګړه کې ولاړ حالت هغسې چې پنټاګونیې هیله کوي، پای ته ورسوي.
د سټارس اېنډ سټرایپس په لیکنه پنټاګون په افغانستان کې د ځواکونو د شمېر د زیاتوالي په ترڅ کې دغه پوځي لوا تېره میاشت افغانستان ته واستوله.
د امریکا د دغو روزل شویو ځانګړو پوځي سلاکارانو تشکیل د هغو امریکایي سلاکارانو د تجربو پر اساس رامنځته شوی چې کلونه کلونهیې افغان کمانډو ځواکونو ته د ځانګړو عملیاتو په اړه سلا او مشوره ورکړې ده.
د ولسي جرګې او د ولسوالیو د شوراګانو انتخابات به سږ کال د تلې یا میزان په ۲۸مه نېټه ترسره شي.
په افغانستان کې د امریکایي ځواکونو قوماندان جنرال جان نېکلسن په تېر ډسمبر میاشت کې ویلي و چې په هغو جګړو کې چې دغو روزل شویو افغان کمانډو ځواکونو برخه اخیستې، تلیې هغه ګټلې دي.
- ډېلي مېل
ډېلي مېل ورځپاڼې د افغانستان د انتخاباتو پر مسئلې یوه لیکنه خپره کړې او ليکي، له درېیو کلونو ځنډ وروسته د افغانستان د انتخاباتو خپلواک کمېسیون د یکشنبې په ورځ رسماً اعلان وکړ چې د ولسي جرګې او د ولسوالیو د شوراګانو انتخابات به سږ کال د تلې یا میزان په ۲۸مه نېټه ترسره شي.
ټاکل شوې وه چې دغه انتخابات د جمهوري ریاست تر انتخاباتو یو کال وروسته په ۱۳۹۴ ترسره شي، خو د امنیتي اندېښنو او د ملي یووالي د کمزوري حکومت د لوژستیکي ستونزو له امله څو ځلې وځنډېدل.
ډېلي مېل لیکي:
که دغه انتخابات ترسره شي، د ولسي جرګې د ۲۴۹ څوکیو لپاره به کاندیدان سیالي کوي او هم به د شااوخوا ۴۰۰ ولسوالیو د شوراګانو لپاره چې یو شمېر یې د کابل له کنټروله بهر دي، غړي ټاکل کېږي.
د ورځپاڼې په وینا له دغو انتخاباتو څو میاشتې وروسته د راتلونکي کال په پسرلي کې به د ولسمشرۍ انتخابات ترسره کېږي، خو یو شمېر لوېدیځ ډیپلوماتان پهدې شک کوي چې افغان حکومت به په هېواد کې امنیتي ګواښونو ته پام سره وکولای شي چې دغه انتخابات په سمه توګه ترسره کړي.
د انتخاباتو د نېټې له اعلان وروسته ملګرو ملتونو د انتخاباتو د کمېسیون دغه اقدام وستایه، خو په هغو کې یې د ټولو افغانانو پر ګډون ټینګار وکړ.
د افغانستان لپاره د ملګرو ملتونو د سرمنشي ځانګړي استازي تدامیچي یاماموتو وویل، یوازې دا مهمه نهده چې انتخابات باید وشي، بلکې مهمه دا ده چې ټول افغانان د انتخاباتو په پروسه کې برخه واخلي.
د ورځپاڼې په وینا پهدې اړه چې په ناکرارو سیمو کې به انتخابات په څه ډول ترسره کېږي، هغوی چې تذکرې نهلري یا د جګړو له امله بېځایه شوي دي، په څېر ډېرې پوښتنې بېځوابه پاتې دي.
له بلېخوا هم وسلهوالو طالبانو او د اسلامي دولت نومې ډلې یا داعش هم په وروستیو میاشتو کې حملو ته زور ورکړی او د افغانستان پر حکومتیې فشارونه زیات کړي دي.
پر بهرنیانو سربېره د افغانستان د انتخاباتو څارونکو بنسټونو هم پهدې اړه شک څرګند کړی چې انتخابات به په خپل وخت ترسره شي، خو دا یې هم ویلي چې مخکېنیو تجربو، د انتخاباتو د کمېسیون نیمګړو تیاریو او د افغانستان اوسني امنیتي وضعیت ته په پام سره که دغه انتخابات ترسره هم شي هغه به شفاف او عادلانه نهوي.