د لاسرسي لېنکونه

چهارشنبه ۲۱ لیندۍ ۱۳۹۷ کابل ۰۵:۳۲

د جرمني چپ لاسی سوسیال ډموکرات ګوند په یو ائتلافي حکومت کې ورګډېږي


د جرمنې چپ لاسي سوسیال ډموکرات ګوند نن یکشنبه اعلان وکړ چې د صدراعظمې انګيلا مېرکل د مسیحي ډموکرات محافظه کار ګوند تر مشرۍ لاندې، یو پراخ بنسټه ائتلافي حکومت کې شاملېږې.

چپ لاسي سوسیال ګوند دا اعلان د خپلمنځي انتخاباتو وروسته په برلین کې له خپل مرکزي دفتره وکړ.

په دې اعلان سره د جرمني د پنځو میاشتو راهیسې روان سیاسي بحران پای ته رسېدلی دی.

د چپ لاسي سوسیال ډموکرات ګوند ۶۶ په سلو کې غړو له مېرمن مېرکل سره ګډ حکومت ته رأیه ورکړه.

تمه کېږي چې د جرمني پارلمان راتلونکې اوونۍ انګيلا مېرکل د بلې دورې لپاره هم په رسمي توګه د صدراعظمې په توګه وټاکي.

XS
SM
MD
LG