تمه ده چې سبا دوشنبه د افغانستان د فوټبال ښځينه لوبډله د اردن د فوټبال ښځینه لوبډلې سره دوهمه دوستانه لوبه وکړي.
د افغانستان د فوټبال فدراسیون د معلوماتو له مخې دغه لوبه سبا ماښام د اردن عمان ښار د پیترا په ورزشي لوبغالي ترسره کېږي.
د افغانستان د فوټبال ښځینه لوبډله د دوو دوستانه سیالیو لپاره اردون تللې چې لومړۍ لوبه یې د ۵ ـ۰ په پایلې سره بایللې ده.
د افغانستان فوټبال فدراسیون د رسنیو څانګې غړی شمس امیني وايي،د دغو دوستانه سیالیو هدف د افغانستان د ښځینه فوټبال ملي لوبډلې ظرفیت لوړول دي.