د سیاسي چارو یو شمېر افغان کارپوهان د افغانستان او سیمې په اړه د ملګرو ملتونو د امنیت شورا د تېرې ورځې ځانګړي غونډه له اهمیته ډکه بولي وايي په دې غونډه کې تر ډېره د افغان حکومت په دریځ ټينګار وشو.
له ډلې یې سیاسي کارپو او د کابل پوهنتون د حقوقو او سیاسي علومو د پوهنځي استاد ودیر صافی وايي، دا غونډه ښيي چې افغانستان په نړیواله کچه د ترورېزم پر وړاندې په مبارزه کې ښه ملاتړي خپل کړي خو د نتیجو لپاره یي باید د هېواد د ننه هم یو واحد نظر رامنځته او اختلافات له منځه یوسي.
د ازادي راډيو خبریال یوسف خان ځدراڼ د یوې مرکې په پیل کې له ښاغلي صافي څخه چې دا غونډه يي تعقیب کړي، پوښتلي چې د ملګرو ملتونو د امنیت شورا غونډه څومره د افغانانو د تمې مطابق وه؟:
