د لاسرسي لېنکونه

سه شنبه ۳۰ لړم ۱۳۹۶ کابل ۰۸:۲۶

د نشه‎يي موادو د ۹ پېښو په اړه ۱۴ تنه نیول شوي دي


له نشه‎يي موادو سره د مبارزې عدلي او قضايي مرکز وايي چې په تېره یوه اوونۍ کې یې د نشه‎يي موادو د ۹ پېښو په اړه ۱۴ تنه نیولي دي.

د دې مرکز ویاند خالد مؤحِد د چهارشنبې په ورځ ازادي راډیو ته وویل، دا کسان د کابل، فاریاب، تخار او جوزجان ولایتونو کې نیول شوي او دوسیې یې عدلي او قضايي مرکز ته لېږل شوي دي.

ښاغلی مؤحد زیاتوي:

"په مجموع کې له دې خلکو څخه ۲۹ کیلو ګرامه هیروئین، ۱۴ کیلو ګرامه مورفین، ۱۶۳۸کیلو ګرامه تریاک،۱۷کیلو ګرامه چرس،۱۶۵لېټره تېزاب او ۱۸۵ لېټره الکولي مشروبات نیول شوي او پېښې تر څېړنو لاندې دي."

د ښاغلي مؤحِد په وینا په نیول شویو کسانو کې یوه يې غوښتل چې ۴۳۰ کیلو ګرامه هیروئین په خپله خېټه کې هندوستان ته قاچاق کړي چې د حامد کرزي په نړیوال هوايي ډګر کې د پولیسو او څارنوالۍ د کارکوونکو له‎خوا ونیول شو.

XS
SM
MD
LG