د لاسرسي لېنکونه

جمعه ۳ لیندۍ ۱۳۹۶ کابل ۰۴:۴۹

د "م. م" د پرسونل په وسیله د ناوړه استفادو ۳۱ نوې قضیې ثبت شوي


د ملګرو ملتونو سازمان وايي، د روان کال د جولای او سپټمبر د میاشتو ترمنځ موده کې، د دې سازمان د پرسونل په وسیله، د جنسي ځورونو او ناوړه استفادې ۳۱ نوې قضیې ثبت شوې دي.

ملګرو ملتونو پرون جمعه وویل، د دې قضیو نیمايي د ملګرو ملتونو د کډوالو د عالي کمیشنرۍ اړوند دي.

د ملګرو ملتونو د عمومي منشي انتونیو ګوترس ویاند، سټیفن دوجاریک وايي چې ښاغلی ګوترس د دې ډول قضیو دوام خفه او خواشینی کړی دی.

د مارچ په میاشت کې انتونیو ګوترس د ملګرو ملتونو د سوله ساتو او د دې سازمان د کارکوونکو له خوا د جنسي ځورونو د زیاتېدونکو پېښو سره د مبارزې لپاره یو لړ اقدامات اعلان کړي وو.

XS
SM
MD
LG