د لاسرسي لېنکونه

سه شنبه ۳۰ لړم ۱۳۹۶ کابل ۱۰:۱۳

خوګیاڼی: په جلال اباد ښار کې چاودنې۶ملکیان ټپيان کړي


د ننګرهار سیمه ییز چارواکي وايي، په جلال اباد ښار کې د یوې چاودنې له امله شپږ تنه ملکي وکړي ټپيان شوي دي.

د ننګرهار ولایتي چارواکي وايي، نن له غرمې وروسته شااوخوا درې بجې د جلال اباد ښار څلورمې ناحیه اړوند د مالوچو کوڅې په سیمه کې د یوه ځای پر ځای شوي ماین د چاودنې له امله شپږ تنه ټپيان شوي دي.

د ولایت ویاند عطالله خوګياڼی وايي، دغه ماین د سبزيو په یوه دکان کې ځای پرځای شوی و چې شپږ واړه ټپيان ملکي وګړي دي.

نوموړی وايي، ټپيان د درملنې په خاطر د جلال اباد مرکزي روغتون ته انتقال شوي او په خبره يې روغتيايي وضعیت يې د ډاډ وړ دی.

د دې پېښې مسؤلیت تر اوسه هيڅ کومې وسله والې ډلې په غاړه نه دی اخیستی.

XS
SM
MD
LG