د لاسرسي لېنکونه

دوشنبه ۳ تله ۱۳۹۶ کابل ۱۲:۳۴

عراقي پارلمان د کردانو د خپلواکۍ په اړه د ټولپوښتنې پلان رد کړ


د عراق پارلمان پرون سې شنبه په رأیو اچونې سره د کردانو د خپلواکۍ په اړه د را روانې ټولپوښتنې پلان رد کړ.

پارلمان همداراز د عراق صدراعظم حیدر العبادي ته واک ورکړ چې د عراق د اتحاد ټینګ ساتلو لپاره به هر ګام پورته کړي او د عراقي کردانو له مشرانو سره جدي خبرې وکړي.

خو د عراق په پارلمان کې کرد وکیلان پرون سې شنبه د رأیې اچونې تر پېل مخکې، د پارلمان له غونډې ووتل.

ټاکل شوې چې د سپټمبر په ۲۵مه د عراقي کردانو په خودمختاره سیمه کې له عراقه د جلا کېدو پرامکان ټولپوښتنه وشي.

خو دا پلان د عراق، ایران او ترکیې د حکومتونو له سخت اعتراض سره مخامخ شوی دی.

دا هېوادونه وېره لري چې په عراق کې د داسې ګام پورته کېدل به، د هغوی په اقلیت کردانو کې د بېلتون غوښتني حرکتونه پیاوړي کړي.

امریکا او اروپايي اتحادیې هم له دې ټولپوښتنې سره مخالفت کړی او اندېښنه یې څرګنده کړې چې دا کار به د بغداد کمزوري حکومت ته ضربه ورکړي.

XS
SM
MD
LG