د فوټبال لیګ د شپږم پړوا سیالیو په لړ کې تېره ورځ موج های امو له عقابان هندوکش څخه لوبه وګټله.
د فوټبال فدراسیون مرستیال بصیر قیومي نن یکشنبه ازادي راډیو ته وویل چې د دغې لوبې لومړۍ نیمایي بې نتیجې پای ته ورسېده، خو په دوهمه نیمايي کې د موج های امو لوبغاړي فرهاد هادي یو ګول وواهه او لوبه یې ۱ د صفر پر وړاندې د موج های امو په ګټه پای ته ورسوله.
په پام کې ده چې د فوټبال لیګ د شپږم پړوا څلورمه لوبه د روانې اوونۍ د چهارشنبې په ورځ د سیمرغ البرز او اباسین څپې لوبډلو تر منځ وشي.