د افغانستان د پارالمپیک د باسکټبال د نجونو ۱۶ کسیزه لوبډله، د باسکټبال په نړیوال ټورنمنټ کې د ګډون په هدف نن د دوشنبې په سهار د اندونیزیا په لور روانه شوه.
د بدني روزنې ریاست ویاند عارف پیمان نن دوشنبه ازادي راډیو ته وویل چې په دغو سیالیو کې له افغانستان څخه ۱۱ لوبغاړي ګډون کوي.
د باسکټبال نړیوال ټورنمنټ د روان لمریز کال د اسد په درېیمه په اندونیزیا کې د نړۍ د شپږو هیوادونو د لوبډلو تر منځ تر سره کېږي.