د لاسرسي لېنکونه

شنبه ۱ تله ۱۳۹۶ کابل ۰۱:۱۵

خلک: په ارزګان کې د افغان ځواکونو هوايي حملې۳مېرمنې وژلي


د ارزګان ولایت مرکز ترینکوټ یو شمېر اوسېدونکي وايي چې د دغه ولایت مرکز ترینکوټ اړوند مهراباد سیمه کې د افغان هوايي ځواکونو بریدونو کې درې ښځې وژل شوي دي.

یادو کسانو نن سې شنبه ازادي راډيو ته وویل چې پېښه نن سهار اووه بجې رامنځته شوې چې پرمهال یوه ماشومه هم ټپي شوې ده.

یادو کسانو د جګړې له دواړو خواوو څخه غوښتنه کوي د ملکي کسانو ژوند ه جدي پاملرنه وکړي.

له دې سره د دغه ولایت د ولایتي روغتون سرپرست رئیس ډاکټر ضیاالرحمان وايي چې د پېښې له ځایه ورته څلور ښځې وروړل شوي چې درې وژل شوي او یوه ۷کلنه انجلۍ سخته ټپي شوې ده چې روغتیايي حالت يې ناسم دی.

په ورته وخت کې د دغه ولایت چارواکي په دې اړه ناخبري ښي او وايي چې دوی په دي اړه پلټنې کوي.

دا په داسې حال کې ده چي له تېرو درېیو ورځو راهیسې د افغان ګډو ځواکونو له لوري په مرکز ترینکوټ کې د وسله والو طالبانو د ځپلو په موخه پراخ علیات پیل شوي دي.

د یادونې وړ ده چې له دې وړاندې هم د عملیاتو پر مهال د افغان او بهرنیو ځواکونو په هوايي بریدونو کې لسکونه ملکي کسانو ته مرګ ژوبله اوښتې ده.

XS
SM
MD
LG