د لاسرسي لېنکونه

چارواکي: عراقي ځواکونو د موصل زوړ ښار بشپړ ډول له داعشه ونیو


د عراق د پوځ یوه ویاند ویلي، د امریکا په ملاتړ عراقي ځواکونو د موصل زوړ ښار په بشپړ ډول له اسلامي دولت ډلې ونیو.

دا وروستی ښار و چې وړاندې په عراق کې د اسلامي دولت ډلې یو مهم مرکز ګڼل کېده.

د عراق د ګډو عملیات د قوماندانۍ یوه ویاند برید جنرال یحیی رسول نن شنبه د عراق دولتي ټلوېزیون ته وویل:

"موږ له دجلې رود څخه یواځې څو متره لېرې یوو، د هوایي ځواکونو په ملاتړ د عراقي ځواکونو پرمختګ عاليو."

د عراق دولتي تلویزیون په همدې ورځ راپور ورکړی و چې تمه ده عراقي ځواکونه د ټول موصل کنټرول له داعش یا اسلامي دولت ډلې څخه واخلي.

دغه ښار له ۲۰۱۴ مېلادي کال راهیسې د اسلامي دولت ډلې لاندې کړی و چې د بېرته نیولو عملیات یې په تېر اکټوبر کې پیل شوه.

عراقي ځواکونو په جنورۍ کې د موصل د ختیځې برخې د نیولو اعلان وکړ.

XS
SM
MD
LG