د لاسرسي لېنکونه

جرمني کې "هلموت کوهل" ته د درناوي وروستي مراسم ترسره شول


د نړۍ مشرانو پرون شنبه د جرمني پخواني صدراعظم هلموت کوهل ته چې د ختیځ او لویدیځ جرمني د یو ځای کېدو نقشه یې جوړه کړې وه، د درناوي وروستي مراسم ترسره کړل.

په دې اړه مراسم په اشتراسبورګ کې د اروپايي پارلمان په ودانۍ کې جوړ شوي وو.

هلموت کوهل ۸۷ کلن و او د جون په شپاړسمه مړ شو. هغه لومړی سیاستوال دی چې د درناوي لپاره یې اروپايي اتحادیې رسمې مراسم ترسره کړل.

د هغه تابوت د اروپايي اتحادېې په بیرغ کې نغښتی و او د اتحادیې د غړو هېوادونو مشران د درناوي لپاره ورته ودرېدل.

د اروپايي کمېسیون مشر ژان کلودیونکر وویل:

"نن موږ له هلموت کوهل سره چې جرمني او اروپايي و، له داسې وفادار ملګري سره چې لسیزې يې ملګرتیا راسره وکړه، خدای په اماني کوو."

هلموت کوهل شپاړس کاله د جرمني صدراعظم و او په دې موده کې يې د اروپايي اتحادیې ترمنځ د نزدېکت او شراکت لپاره مهم کارونه وکړل.

XS
SM
MD
LG