د کابل د کرکټ د رمضان کپ په سیالیو کې المصافي لوبډلې اتلولي خپله کړه.
د افغانستان د کرکټ بورډ ویاند فرید هوتک نن چهارشنبه ازادي راډیو ته وویل چې دغه سیالۍ د روژې په ۶مه پیل شوې وې او تېره شپهيې د کابل زلمي او المصافي لوبډلو تر منځ پایلوبه تر سره شوه.
نوموړی وايي چې د کابل زلمي لوبډلې په ټاکلو ۲۰ اورونو کې د ۹ لوبغاړو په سوځېدو سره ۱۰۴ منډې اسانه هدف وټاکه چې د المصافي لوبډلې د سیالۍ په ۱۱م اور کې د ۴ لوبغاړو په سوځېدو سره پوره کړ.
د دغو سیالیو غوره لوبغاړی شاهد مندوزی وټاکل شو چې د ۱۸۷ منډو تر څنګيې ۱۰ لوبغاړي سوځولي وو.