د ایران ستر مذهبي مشر ایتالله علي خامنهاي پرون سې شنبه په تهران کې د عراق له صدراعظم حیدرالعبادي سره وکتل او ویېویل چې په عراق کې شیعه ملېشه د اسلامي دولت وسلهوالو یا داعش پر ضد د مبارزې لپاره اساسي ځواک دی.
د ایراني مطبوعاتو په حواله،ایتالله علي خامنهاي پر حیدرالعبادي ټینګار کړی چې پر امریکا دې باور نهکوي.
کله چې داعش په ۲۰۱۴ میلادي کال کې داعش د عراق زیاتې سیمې ونيولې او د عراق عسکر او پولیسیې له خپلو سیمو تېښتې ته اړ کړل، د شیعه ملېشو ډله د حکومت په ملاتړ کې ودرېده او مرستهیې ورسره وکړه چې د د اعش پر ضد ودرېږي.
له هغه راهیسې، د عراق شیعه ملېشه چې ایرانیې ملاتړ کوي، د داعش پر ضد جنګېږي او داسې ګڼل کېږي چې شمېر یې تر ۶۰ زرو زیات دی.
شیعه ملېشو سږ کال د عراق له امنیتي ځواکونو سره مرسته وکړه چې د موصل ښار زیاتې برخې له داعشیانو ونیسي.
خو هغه سنیان چې د داعش له ولکې په وتلو سیمو کې اوسي، شکایت کوي چې شیعه ملېشهیې کورونه چوروي، قتلونه کوي او د خلکو د تښتونې یا اختطاف په ډېرو پېښو کې لاس لري.
د ایران ستر مذهبي مشر ایتالله خامنهاي د عراق له صدراعظم سره په تهران کې د کتنې پر مهال وویل، داعشیان په عراق کې د ماتې په حال کې دي او دلیلیې پر شیعه ملېشو د حکومت باور دی.
خامنهاي زیاته کړه چې امریکایان د عراق د خپلواکۍ، اتحاد او د شیعه ملېشو پر ضد دي ځکه د خامنهاي په باور، هغوی غواړي چې عراق د خپل قوت ټکی له لاسه ورکړي.
د ایران ولسمشر حسن روحاني هم پرون د عراق له صدراعظم سره په کتنه کې وویل چې د داعش له وسلهوالو د موصل ښار پاکېدل د ترورېزم د پای ته رسېدو سمبول او د عراق، ایران، سوریې او په سیمه کې د نورو هغو هېوادونو بری دی چې د دې ډلې پر ضد جنګېږي.
خو د امریکا متحده ایالات او غربي متحدانيې ادعا کوي چې د موصل په ګډون، په ټوله سیمه کې د داعش پر ضد د مبارزې د بري دلیل د دوی هغه پروګرامونه وو چې د عراق د امنیتي ځواکونو، شیعه ملېشو او کردي پېشمرګه عسکرو د روزنې او هغوی تهیې د مشورې لپاره ترسره کړي دي.
امریکا او متحدانو یې د داعش پر ضد په مبارزه کې د عراقي ځواکونو هوايي او ځمکنی، پوځي ملاتړ کړی دی.
ایتالله علي خامنهاي د عراق صدراعظم حیدرالعبادي ته ویلي چې ایران د کردستان د خپلواکۍ په اړه له هغې ټولپوښتنې سره مخالف دی چې د سپټمبر په میاشت کې به کېږي.
خامنهاي ویلي چې داسې حرکت د عراق خپلواکي او د هغه هېواد د خاورې بشپړتیا له ګواښ سره مخامخ کوي.
ایران هم په خپلو لوېدیځو سیمو کې اقلیت کردان لري.
