د لاسرسي لېنکونه

دوشنبه ۲۰ لیندۍ ۱۳۹۶ کابل ۰۴:۲۹

د تخار خواجه غار او بهاوالدین ته تازه دمي سرتېري استول شوي


د تخار امنیتي چارواکي وايي، د خواجه غار او خواجه بهاوالدین ولسوالیو هغو سیمو ته تازه دمي سرتېري استول شوي چې وسله‎والو طالبانو نیولي دي.

د تخار ولایت د امنیه قومانداني ویاند خلیل اسیر نن ازادي راډیو ته وویل چې وسله‎والو طالبانو په خواجه غار ولسوالۍ کې اته کلي نیولي خو افغان امنیتي ځواکونو یې پر ضد پراخ عملیات پیل کړي دي.

اسیر وايي، مخالفینو یاد اته کلي پرون د کندز د دشت ارچي ولسوالۍ له لارې نیولي دي.

اخوا د تخار د خواجه بهاوالدین ولسوالۍ اوسیدونکي شکایت کوي چې په دې ولسوالۍ کې تازه یوه سیمه طالبانو نیولې ده.

د تخار د امنیه قومانداني ویاند خلیل اسیر وايي، خواجه بهاوالدین ته هم تازه دمي عسکر لیږل شوي او ژر به له لاسه تللې سیمې ونیول شي.

د افغان ځواکونو او وسله‎والو طالبانو په نښتو کې د مرګژوبلې په اړه څه نه‎دي ویل شوي.

XS
SM
MD
LG