د افغانستان ختیځو ولایتونو د فوټبال د غورهلیګ مقدماتي سیالۍ د زونونو ترمنځ پیل شوې.
د افغانستان د فوټبال فدراسیون فني مرستیال یوسف کارګر ازادي راډیو ته وویل چې دغه سیالۍ د ننګرهار، کونړ، نورستان او لغمان ولایتونو ترمنځ ترسره کېږي چې هدف یې د سپینغر بازانو د فوټبال ټیم لپاره د غوره لوبغاړو انتخابول دي.
نوموړي زیاته کړه چې د یاد ټیم لپاره د لوبغاړوتر انتخاب وروسته به د ۸ زونو ترمنځ به سیالۍ په کابل کې پیل شي.