د لاسرسي لېنکونه

دوشنبه ۱ لړم ۱۳۹۶ کابل ۰۶:۰۶

د فوټبال افغان ملي ټیم نن سې شنبه کمبودیا سره سیالۍ ته وځي


ټاکل شوې ده چې د افغانستان د فوټبال ملي ټیم نن سې شنبه په کمبودیا کې د دغه هېواد له ملي ټیم سره د مسابقې لپاره میدان ته ووځي.

دا مسابقه د اسیايي جام د غوراوي د سیالیو برخه ده.

د افغانستان د فوټبال د ملي ټیم یوه لوبغاړي نور الله امیري د نننۍ مسابقې په اړه ازادي راډیو ته وویل:

"ټول لوبغاړي او ټیم د کمبودیا په وړاندې مسابقې ته چمتو او تیار دي."

افغانستان له ویتنام، اردن او کمبودیا سره په سي ګروپ کې مخامخ دی.

له دغو څلورو ټیمونو دوه مخکښ به د اسیايي جام سیالیو ته غوره شي.

د افغانستان د فوټبال د ملي ټیم لومړۍ مسابقه له ویتنام سره مساوي شوې او په دې حساب د یو امتیاز د لرلو له کبله د سي ګروپ په جدول کې درېیم دی.

XS
SM
MD
LG