د کندهار لپاره نوي ټاکل شوي والي ژمنه وکړه چې د امنیت او ثبات د ټینګښت لپاره به ډېر کار وکړي او د قانون په ماتولو کې به د چا خبره ونهمني.
جنرال زلمى ويسا چې مخکې د پکتيا والي و، د یکشنبې په ورځيې په کندهار کې د والي په توګه خپله دنده پيل کړه.
د کندهار نوي والي زلمي ویسا چې د یکشنبې په ورځيې د خلکو یوې لويې غونډې ته وینا کوله وویل چې لومړنۍ اړتیا امنیت دی او دی به تر هرڅه مخکې د امنیت او ثبات لپاره کار کوي څو په دې توګه پرمختیايي او انکشافي پروګرامونو ته لار هواره شي.
د ویسا په وینا هغه یو نظامي کس دی په کارونو کې جدي دی او د قانون په ماتولو کي به د چا خبره ونهمني.
نوموړي زیاته کړه چې ډېرې ژمنې نهکوي یوازې دا ژمنه کوي چې کندهار ته راتلونکې پیسې به منظمې مصرفوي او ولس ته بهیې حساب ورکوي.
نوموړی وايي:
"زه په دې پوه شوی یم چې کندهاریان نه تېروځي، ځانونه مه په زحمت کوئ، زه د هېڅچا خبره نهمنم، دلته چې څه کېږي نو یوازې به د قانون په چوکاټ کې کېږي."
په دې غونډه کې د کندهار یو شمېر قومي مخورو او مشرانو هم ویناوې وکړې او له والي یې د ښې حکومتوالۍ غوښتنه وکړه.
بېکاري، له اداري فساد سره مبارزه، د پوهنې او روغتیا په سکټورونو کې سمون راوستل او په دولتي بنسټونو کې د اهل مأمورينو ګومارل له نوي والي څخه د کندهار د اوسېدونکو اساسي غوښتنې وې.
جنرال زلمى ويسا چې خپله هم د کندهار دی، په پوځي برخه کې یې زدهکړې کړي او تر دې مخکې د پکتيا والي او تر هغه مخکې په بلخ کې د شاهین قول اردو قوماندان و.
راپور : محمد صادق رښتینی