د لاسرسي لېنکونه

شنبه ۲۷ لړم ۱۳۹۶ کابل ۰۴:۳۹

د ایران ولسمشرۍ انتخاباتو ته د نوم ثبتولو لړۍ پيل شوه


د ایران د ولسمشرۍ د انتخاباتو د کاندیدانو د نوم ثبتولو لړۍ نن په تهران کې پیل شوه.

د نوم ثبتولو لپاره پنځه ورځې وخت ټاکل شوی دی.

په ایران کې د ولسمشرۍ انتخابات د مې په نولسمه کېږي.

هر کاندید باید د نګهبان شورا له لورې تائید شي.

ایرنا اژانس خبر ورکړ چې د منل شویو کاندیدانو لېست به د اپریل په شپږ ویشتمه او اووه ویشتمه د کورنیو چارو د وزارت له لورې اعلان شي.

تمه ده چې د ایران اوسنی ولسمشر حسن روحاني به د بلې دورې لپاره هم ځان کاندید کړي.

روحاني پرون په تهران کې یوه ورځ مخکې تر دې چې د د ولسمشرۍ د انتخاباتو د کاندیدانو د نوم ثبتولو کارونه شروع شي، رسنیو ته د خبرو پر مهال د خپلو تګلارو دفاع وکړه.

XS
SM
MD
LG