د لاسرسي لېنکونه

پنجشنبه ۳۰ وږی ۱۳۹۶ سیمه ییزوخت ۰۷:۵۶

د پاکستان لاهور ښار کې ۱۰ وسله وال مخالفین وژل شوي


پاکستاني پولیس وایي، په لاهور ښار کې لس وسله وال مخالفین له پولیسو سره په وسله واله نښته کې وژل شوي دي.

په دې کې د لاهور د فبرورۍ میاشتې د برید یو عمده طراح هم وژل شوی دی.

د پاکستاند ترورېزم پروړاندې د مبارزې ادارې په یوه اعلامیه کې راغلي چې کله پولیس افسران د یوې مخکیني حملې په پلټنه بوخت وو، نن سهار د لاهور ښار په څنډو کې د وسله والو مخالفینو تر برید لاندې راغله.

اعلامیه زیاتوي تر برید وروسته پولیسو مرسته وغوښته او هغه سیمه کې محاصره کړه او د دواړو لورو ترمنځ ډزې پیل شوې.

په اعلامیه کې دا هم ویل شوي چې په وژل شویو کې یو تن د پاکستاني طالبانو د یوې څانګې جماعت الاحرار یو غړی پېژندل شوی.

جماعت الاحرار په فبرورۍ کې د هغه ځانمرګي برید مسؤلیت منلی وو چې دیارلس تنه پکې ووژل شوه.

دوی په لاهور کې د تېر کال هغه برید مسؤل هم پېژندل شوي چې په یوه عمومي پارک کې شوی او څه باندي اویا تنه پکې ووژل شوه.

XS
SM
MD
LG