د ارزګان سیمهییز امنیتي چارواکي وايي چې په دغه ولایت کې يې د خالد په نوم عملیات پیل کړي چې وسلهوال طالبانيې سخت ځپلي دي.
د ارزګان ولایت امنیه قوماندان مل پاسوال غلام فاروق سنګري د چهارشنبې په ورځ ازادي راډيو ته وویل چې تېره ورځيې د دغه ولایت مرکز ترینکوټ لوېدیځ لوري کې د افغان او بهرنیو ځواکونو لهخوا د خالد په نوم عملیات ترسره کړي چې په نتیجه کې يې د وسلهوالو طالبانو د یوه مهم قوماندان تور خالد په ګډون ۲۵ وسلهوال طالبان وژل شوي او یو شمېر نور ټپیان دي.
ښاغلي سنګري زیاته کړه:
"ارزګان کې وسلهوال طالبان اوس د مخامخ جګړې توان نهلري او د خلکو کورونه د سنګر په توګه کاروي، ولې موږ هېڅکله هم ملکيانو ته زیان نهاړوو."
ښاغلي سنګري دا هم وویل چې د یادو عملیاتو پر مهالیې ۵ کېلو متره وسلهوال طالبان په شا تمبولي او د ارزګان ولایت مرکز ترینکوټ اړوند شمال لوېدیځ برخه کې د ګاومارګیانو او خاکریز نومې سیمې هم له وسلهوالو طالبانو څخه تصفیه کړي دي.
له دې سره د ولسمشر سلاکار وزیر محمد قسیم پوپل د افغان امنیتي ځواکونو پرمختګ تائیدوي.
نوموړي چې خپله د افغان امنیتي ځواکونو سره عملیاتو کې برخه اخیستې وه له خلکو غوښتنه وکړه چې د افغان امنیتي ځواکونو سره مرسته وکړي.
ښاغلي پوپل زیاته کړه:
"زما غوښتنه له وسلهوالو طالبانو څخه دا ده چې نور دې د پرديو په لمسون نهجنګېږي او د سولې لار دې خپله کړي."
په ورته وخت کې یو شمېر هغه کسان چې سیمې يې تازه د وسلهوالو طالبانو له شتونه پاکې شوي له دولته خوښ دي.
دوی له دولته غوښتنه وکړه چې روانې جګړې سخت مالي زیانونه وراړولي او باید مرسته ورسره وکړي.
بلخوا وسلهوالو طالبانو د یادو عملیاتو په اړه تر اوسه څه نهدي ویلي، خو افغان امنیتي ځواکونه وايي چې دوی ته کوم زیان نهدی اوښتی.
دا په داسې حال کې چې تېره ورځ هم د ارزګان امنیتي چارواکو په دغه ولایت کې د ۵ وسلهوالو طالبانو د وژلو خبر ورکړی و.
راپور: شریفالله شرافت