د افغانستان د کرکټ ملي ټیم د صحرا جام په لومړۍ لوبه کې تېره شپه ايرلنډ ته د پنځو ویکټو او اتو بالونو په توپیر ماته ورکړه.
افغان ټیم د ایرلنډ لهخوا د ۱۲۵ منډو هدف په ۱۹م اوور کې د ۶ لوبغاړو په سوځېدو پوره کړ.
د افغان ټیم لپاره په توپ اچونه "بالنګ" کې امیر حمزه، محمد نبي عیسیخېل او راشد ارمان دوه دوه ویکټې واخیستې.
په توپ وهنه [بېټنګ] کې هم محمد شهزاد، محمد نبي او نجیب ترهکي تر ټولو زیاتې منډې وکړې څو وکولای شي د ايرلنډ هدف ترلاسه کړي.
تمه ده افغان ټیم سبا له کوربه متحده عربي اماراتو سره هم مخ شي.
له هغې وروسته به افغان ټیم د جنورۍ په ۱۹مه د ګروپي دور وروستۍ لوبه له نیمیبیا سره وکړي.
د صحرا جام کرکټ شل اوریزې سیالۍ د متحده عربي اماراتو په کوربهتوب د کرکټ نړیوالې شورا د اتو دوهم درجه هېوادونو تر منځ روانې دي.
د افغانستان د کرکټ ملي لوبډله په ۲۰ اوریزو سیالیو کې په ټوله نړۍ کې نهم مقام لري.