د افغانستان ولسمشر محمد اشرف غني، د ميدان وردګ د جلرېز ولسوالۍ د وضعيت د څېړلو لپاره يو هيئت وټاکه.
د جمهوري رياست د مطبوعاتي دفتر په اعلاميه کې ويل شوي، چې دغه هيئت به دې ولسوالۍ ته سفر کوي او د وروستۍ پېښې څرنګوالى به څېړي.
د پنج شنبې په ورځ يوه ډله وسلوالو پر دې ولسوالۍ بريد وکړ چې په نتيجه کې يې خپله بريدګرو او محلي پوليسو ته مرګ ژوبله واوښته.
د ميدان وردګ د والي وياند وايي په جلرېز کې تصفيوي عمليات روان دي او د ناامنيو ستونزه په کې حل شوې ده.
په همدې حال کې د افغانستان د کورنيو چارو وزير، لوى درستيز او نورو چارواکو هم پرون دغې ولسوالۍ ته سفر کړى و.
صالح محمد صالح د والي له وياند عطاالله خوږياڼي سره مرکه کړې، په پيل کې يې پوښتلى چې په جلرېز کې وروستى وضعيت څه دى؟
