د پاکستان د سوداګرۍ وزیر خرم دستګیر په کابل کې د افغان سوداګرو سره ژمنه وکړه چې په پاکستان کې به یې ټولې ترانزیتي ستونزې هوارې کړي او ټول هغه خنډونه به لرې شي چې دا مهال ورسره افغان سوداګر د پاکستان په خاوره کې مخ دي.
تر دې مخکې هم پاکستاني چارواکو ژمنه کړې چې د افغان سوداګرو لپاره به سوداګریزې اسانتیاوې رامنځته کړي خو وروسته بیا دا ژمنې نه دي عملي شوي .
کابل ته د پاکستان د سوداګرۍ د وزیر د وروستي سفر په اړه اجمل اند د افغانستان د سوداګرۍ د خونې له مرستیال خان جان الکوزي سره مرکه کړې او په سر کې یې ترې پوښتلي چې د ښاغلي خرم دا سفر د افغان سوداګرو د ستونزو د هواري لپاره څومره موثر وو?