په بغلان کې سیلابونو د ۹تنو ژون واخیست
د بغلان ولایت په مرکز پلخمري کې سیلابونو لږ تر لږه ۹ کسان وژلي او ۶ نور يې ټپیان کړي دي. په بغلان ولایت کې له طبیعي پیښو سره د مبارزې د ادارې مشر محمد نصیر کوهزاد ازادۍ راډیو ته ویلي؛ وېره ده چې سلګونه کورونه د سیلابونو له امله له مینځه تللي وي. خو تر اوسه پورې د پلخمري د سیلابونو له امله د اوښتو ځاني او مالي زیانونو په اړه دقیق معلومات نه دي خپاره شوي.