د لاسرسۍ وړ لېنکونه

تازه خبر
پنجشنبه ۹ وری ۱۴۰۳ کابل ۰۷:۵۴

خوست: په مظاهره کې چاودنې ۱۶تنه وژلي دي


نن پنجشنبه د سهارپه نيږدې لسو بجو په خوست ښار کې په مظاهره کوونکو چاودنه وشوه چې د لومړنيو مالوماتو له مخې په دې پېښه کې ۵۶ تنو ته مرګ ژوبله اوښتې ده.

د خوست د سرپرست والي وياند مبارزمحمد ځدراڼ مشال راډيو ته وويل چې د لومړنيو مالوماتو له مخې په دې پېښه کې ۵۶ تنو ته مرګ ژوبله اوښتې چې په دې کې ۱۶ تنه وژل شوي دي.

ښاغلی ځدراڼ وايي چې په ټپيانو کې د ولسي جرګې استازی همايون همايون هم ټپي شوی دی.

يادې مظاهرې او مدني حرکتونه له تېرې شنبې ورځې راهيسي په خوست کې د سرپرست والي نعيمي او يو شمېر نورو چارواکو پر ضد چې مظاهره چیان يې په فساد تورنوي پيل شوي دي.

په دې چاودنه کې د ګڼې مرګ ژوبلې ترڅنګ په ولسي جرګه کې د دفاعي کميسيون ريس او د خوست د خلکو استازی همايون همايون هم ټپي شوی دی.

د پيښې يو تن عيني شاهد مشال راډيو ته وويل چې کله ښاغلی همايون همايون د لاريون کوونکو له ډلې سره يوځای شو چاودنه رامنځته شوه.

همدارنګه د پيښې په ځای کې د خوست د ځينو کشفي ادارو مسؤلينو د نوم نه ښودلو په شرط مشال راډيو ته وويل چې د دوی لومړنيو تحقيقاتو نه جوتيږي چې دا یو ځانمرګی بريد وو.

د ملي اردو يو سرتيری چې د امبولانس موټرسره په څنګ کې ولاړ وو، وويل چې دوی په پنځو امبولانسونو کې د پېښې مړي او ټپيان وليږدول.

په مظاهره چیانو کې ډېری يې معلولين او معيوبين وو، غوښتل په خوست ښار کې تر لنډ لاريون وروسته د خوست په ملي لوبغالي کې د مظاهره چیان د سترې ډلې سره يو ځای شي.

غير رسمي سرچينې وايي چې دا مهال د ولسي جرګې استازي همايون همايون روغتيايي حالت ښه دی.

تر اوسه کومې وسله والې ډلې د دې مسؤليت پر غاړه نه دی اخيستی.

راپور: نجيب الله الوخېل

پخواني:

نن پنجشنبه د سهار په نيږدې لسو بجو په خوست ښار کې په مظاهره چیانو چاودنه وشوه.

ياد مظاهره چیان او مدني حرکتونه له تېرې شنبې ورځې راهيسې په خوست کې د سرپرست والي نعيمي او يو شمېر نورو چارواکو پر ضد چې مظاهره چیان يې په فساد تورنوي پيل شوي دي.

په دې چاودنه کې د ګڼې مرګ ژوبلې ترڅنګ په ولسي جرګه کې د دفاعي کميسيون ريس او د خوست د خلکو استازی همايون همايون هم ټپي شوی دی.

د پيښې يو تن عيني شاهد مشال راډيو ته وويل چې کله ښاغلی همايون همايون د لاريون کوونکو له ډلې سره يو ځای شو چاودنه رامنځته شوه.

همدارنګه د پيښې په ځای کې د خوست د ځينو کشفي ادارو مسؤلينو د نوم نه ښودلو په شرط مشال راډيو ته وويل چې د دوی لومړنيو تحقيقاتو نه جوتيږي، چې دا یو ځانمرګی بريد وو.

د ملي اردو يو سرتيری چې د امبولانس موټر سره په څنګ کې ولاړ وو، وويل چې دوی په پنځو امبولانسونو کې د پېښې مړي او ټپيان وليږدول.

په لاريونوالو چې ډېری يې معلولين او معيوبين وو، غوښتل په خوست ښار کې تر لنډ لاريون وروسته د خوست په ملي لوبغالي کې د لاريون کوونکو د سترې ډلې سره يو ځای شي.

غير رسمي سرچينې وايي، چې دا مهال د ولسي جرګې استازي همايون همايون روغتيايي حالت ښه دی.

تراوسه کومې وسله والې ډلې ددې مسؤليت پر غاړه نه دی اخيستی.

نجيب الله الوخېل

پخواني:

په خوست کې د عامو خلکو د مظاهرې پر یوې برخې چاودنه شوې او مرګ ژوبله هم لري.

په خوست کې د ازادۍ راډيو خبریال وایي، چاودنه هغه مهال وشوه چې د معیوبینو یوې ډلې غوښتل له هغې مظاهرې سره یوځای شي چې د دې ولایت د سرپرست په ضد جوړه شوې وه.

تر اوسه د چاودنې څرنګوالی نه دی معلوم او کومې مخالفې ډلې هم په دې اړه تبصره نه ده کړې.

د خوست د سرپرست والي پر ضد نن په کابل کې هم یوه مظاهره پلان شوې ده.

XS
SM
MD
LG