هغه دوې ځوانې نجونې چې له چک جمهوریته پاکستان ته تللې او هلته تښتول شوې وې، خوشې شوې او له خپلو کورنیو سره یوځاي شوې.
د چک جمهوریت صدراعظم پاول سوبوتکا نن وویل چې هانا همپالووا او انتوني خراستیچکا خپل هیواد ته رسیدلې دي.
رپوټونه وايي چې د دې ښځو په خوشې کولو کې د ترکیې یوې خیریه ادارې مرسته کړې ده .
د چک جمهوریت دا دواړه وګړې، د ۲۰۱۳ [میلادي] کال د مارچ په میاشت کې پاکستان ته تللې وې څو په موټر کې ایران اوبیا هندوستان ته ولاړې شي خو بلوچستان ته له رسیدو سره سم وسله والو وتښتولې.