د لاسرسۍ وړ لېنکونه

تازه خبر
سه شنبه ۵ سلواغه ۱۴۰۰ کابل ۰۲:۵۷

خبرونه

کامرون: د سخت دريځو وسلوالو پرضد اوږده جګړه په مخکې ده

د بریتانیا صدراعظم ډيویډ کامرون د جمعې په ورځ په هلمند ولایت کي له خپلو دیره عسکرو سره د کتنې په مقصد هغه ولایت ته لاړ او عسکرو ته یي د خبرداري په ډول وویل چې لویدیځ د بنسټپالو وسلوالو پر ضد د یوه نسل اوږده جګړه په مخکي لري.

کامرون د هلمند ولایت په باستن کمپ کې شاوخوا درې زرو دیره بریتانیایي عسکرو ته په وینا کي وویل، دوي باید د القاعده او طالبانو پرضد جګړه کې پر خپل ماموریت وویاړي.

کامرون دا هم ومنله چې دافغانستان او پاکستان تروریستان لا هم په انګلیسانو حملې کوې او د افغانستان په دیارلس کلنه شخړه کې تر اوسه د دوى ۴۵۳ عسکر وژل شویدي.

د ورځې تازه خبرونه دلته ولولئ

د سره صلیب کمېټې سکرتر جنرال برنټ اپېلانډ کابل ته تللی 

آرشیف، د سره صلیب نښان

د سره صلیب کمېټې سکرتر جنرال برنټ اپېلانډ کابل ته تللی او هلته یې له طالب چارواکو سره لیدلي.

د افغاني سرې میاشتې ټولنې دا خبره نن په یوه اعلامیه کې کړې.

د اعلامیې له مخې سره صلیب کمېټې سکرتر جنرال ښاغلي اپېلانډ د سرې میاشتې ټولنې له سرپرست مرستیال ملا نورالدین ترابي سره کتلي او له افغاني سرې میاشتې ټولنې سره یې په روغتیايي برخه کې د همکاریو ژمنه کړې ده.

اعلامیه زیاتوي سره صلیب کمېټې دې چارواکي ویلي چې په ۲۰۲۲کال کې د افغاني سرې میاشتې ۴۶ ثابتو کلینیکونو ته د اړتیا وړ هر ډول درمل ورکوي او له افغاني سرې میاشتې سره به د نورو ثابتو کلینیکونو په جوړولو کې رغنده مرکزي رول ترسره کوي.

ښاغلي برنټ اپیلاند ژمنه کړې چې سږکال به د افغاني سرې میاشتې د ټولو کلینیکونو د کارکوونکو معاش ورکوي.

دېبورا لاینز د طالبانو کورنیو چارو وزیر ته: افغان ښځینه فعالانې پیدا کړئ

دېبورا لاینز

د افغانستان لپاره د ملګرو ملتونو د سرمنشي ځانګړې استازې دېبورا لاینز د طالبانو د کورنیو چارو له وزیر غوښتي چې تري تم شویو افغان ښځینه فعالانو د لټون لپاره لاس په کار شي.

دا خبره د یوناما په یوه ټوېټر بیان کې راغلې ده.

په بیان کې زیاته شوې چې دېبورا لاینز نن د طالبانو د کورنیو چارو وزارت له سرپرست سراج الدین حقاني سره په کابل کې کتلي دي.

د بیان له مخې دېبورا لاینز سراج الدین حقاني هڅولی چې د تري تم شویو افغان ښځینه فعالانو لپاره چې ویل کېږي تېره اوونۍ په کابل کې له خپل کوره وړل شوي اقدامات وکړي او د هغوی ازادي خوندي کړي.

طالبانو که څه هم رد کړې چې د پروانه ابراهیم خېل او تمنا زریاب پریاني په نوم فعالانې دوی بندیانې کړي خو د راپورونو له مخې طالبان تورن شوي چې دا دوه فعالانې یې نیولي او له شااوخوا پنځو ورځو راهیسې لادرکه دي.

په خپله تمنا زریاب پریاني په هغه شپه چې نیول کېده یوه ویډیويي پیغام کې د مرستې غوښتنه کوي او وايي چې د طالبانو کسان یې د کور تر شاه ورغلي.

له دې مخکې د بشري حقونو ګڼو مدافع ډلو هم د پروانه ابراهیم خېل او تمنا زریاب پریاني د خوشې کولو غوښتنه کړې ده.

اوسلو کې طالبانو د امریکا او ځینو نورو هېوادونو استازو سره خبرې پيل کړې

اوسلو؛ طالب پلاوی او د یو شمېر هېوادونو استازي

نن د ناروې پلازمېنه اوسلو کې د امریکا په شمول د یو شمېر هېوادونو استازیو له طالب پلاوي سره خبرې پيل کړې دي.

دا خبره د طالبانو د حکومت د بهرنیو چارو وزارت ویاند قهار بلخي په خپل ټویټر خپره کړې ده.

هغه زیاته کړې چې د مولوي امیرخان متقي په مشرۍ د طالبانو له پلاوي سره په دې خبرو کې د امریکا، بریتانیا، جرمني، ناروې، ایټالیا، قطر، فرانسې او اروپايي ټولنې استازي حضور لري.

د بلخي په ټوېټر کې راغلي چې تر دې دمه د اقتصاد، بشري مرستو، امنیت، مرکزي بانک په فعالیت، روغتیا او نورو اړوندو مسئلو باندې خبرې وشوې.

بلخې زیاته کړې چې بحثونه لا هم روان دي او جزئیات به یې وروسته خپاره کړي.

د امریکا په پلاوي کې د افغانستان لپاره د امریکا ځانګړی استازی ټوماس وېسټ او د افغانستان د بشري حقونو او ښځو لپاره د امریکا استازې رینا امیري او ځیني نور چارواکي شامل دي.

مخکې رینا امیري لیکلي و چې په دې حساس وخت کې غواړي له طالبانو سره د افغانستان په بشري وضعیت او بشري حقونو باندې خبرې وکړي.

توماس وېسټ هم ویلي چې له طالبانو سره به د باثباته افغانستان او خپلو اندېښنو په تړاو د پرانېستو سترګو ډیپلوماسي کوو.

طالبان وایي له امریکايي او اروپايي ډیپلوماټانو سره به د افغانستان د کنګل شویو اسعاري زېرمو د خلاصون او له افغانستان سره د بشري مرستو پر دوام خبرې وکړي.

طالب مسؤلین: په کابل کې مو ۱۱ کلن ماشوم له انسان تښتوونکو وژغوره

طالبان

په کابل کې د طالبانو امنیتي چارواکو ویلي چې یو ۱۱ کلن ماشوم یې له انسان تښتوونکو ژغورلی دی.

د راپورونو له مخې انسان تښتوونکو د شعېب په نوم ماشوم د کابل له درېیمي حوزې تښتولی وو.

د درېیمې حوزې مرستیال محب الله مشفق د دوو انسان تښتوونکو د نیولو او د ماشوم د خوشې کولو په اړه په یوه ویډیويي پیغام کې ویلي:" څلور ورځې مخکې یو ورور مراجعه وکړه چې وراره یې لا درکه دی. بیا موږ خپل اقدامات پيل کړل او په نتیجه کې مو دا دوه تنه انسان تښتوونکي ونیول."

اخوا په دې ویډیو کې چې د طالبانو د کورنیو چارو وزارت خپره کړې په خپله ژغورل شوی ماشوم شعیب هم وایي چې انسان تښتوونکو څلور ورځې ساتلی وو او کار یې هم ورباندې کاوه.

نن په پاکستان کې د سترې محکمې یواځېنۍ ښځينه قاضي عایشه ملک لوړه وکړه

عایشه ملک

نن په پاکستان کې د سترې محکمې د یواځېنۍ ښځينه قاضي عایشه ملک لوړه وکړه.

دا د پاکستان لپاره چې د فعالانو په خبره قوانین یې د ښځو لپاره سخته دي بې ساری اقدام بلل کېږي.

عایشه ملک د امریکا په هاروارد پوهنتون کې درس ویلی او دوه لسیزه یې د پنجاب په عالي محکمه کې د قاضي په توګه دنده مخته وړې.

د پاکستان د سترې محکمې د غړې په توګه د هغې ټاکل کېدو وار دمخه د یو شمېر مذهبي ګوندونو او ځینو قاضیانو غبرګونونه پارولي وو.

قاضي عایشه ملک هغه وخت مشهوره شوه چې تېرکال یې په لاهور عالي محکمه کې د ښځو د پېغلتوب یا ورجېنېټي طبي معاینه لغوه کړه او دا یې سپک کار وباله ځکه د هغې په خبره په دې عمل سره د جنسي تېریو ښکار شویو ښځو او د تورنو ښځو عزت ته زیان اوړي.

کرکټ؛ سبا د افغانستان او هالنډ د درېیو نړیوالو یو ورځنیو لوبو وروستۍ لوبه ده

د افغانستان او هالنډ لوبه

ټاکل شوې سبا د افغانستان او هالند کرکټ ملي لوبډلو ترمنځ د درېیو نړیوالو یو ورځنیو لوبو وروستۍ لوبه هم وشي.

د افغانستان او هالنډ ترمنځ لومړۍ لوبه افغانستان په ۳۶ منډو او دویمه یې د ۴۸ منډو په توپیر ګټلې دي.

د افغانستان کرکټ بورد اداره وايي، د هالنډ او افغان لوبډلو ترمنځ درېیمه یو ورځنۍ لوبه به سبا سه شنبه د دوحې په ایشین ټاون کرکټ لوبغالي کې وشي.

د افغانستان او هالنډ ترمنځ لوبې د ۲۰۲۳ کال نړۍ جام ته وال د سوپرلیګ سیالیو برخه دي چې د دې لیګ مخکښې لوبډلې به وکولای شي، په نړیوال جام کې ولوبېږي.

افغانستان تراوسه په سوپرلیګ سیالیو کې پنځه لوبې کړې دي او پنځه واړه یې ګټلې دي.

باز محمد مبارز د رزمي ورزشونو فدراسیون له ریاسته استعفا وکړه

باز محمد مبارز

باز محمد مبارز د رزمي ورزشونو فدراسیون له ریاسته استعفا وکړه.

مبارز پر خپله فېسبوکپاڼه لیکلي دي، د مدیریتي ستونزو او دغه شان د فدراسیون په چارو کې د مداخلې له امله د رزمي ورزشونو فدراسیون له ریاسته استعفا کوي.

مبارز په خپل استعفا لیک کې لیکلي دي چې د ورزش اداره د ټولو ملي او نړیوالو قوانینو او مقرارتو خلاف د فدراسیونونو په چارو کې لاسوهنه کوي او د خپلو پلانونو د تطبیق هڅه کوي.

خو نوموړي د دغو پلانونو په اړه ډېر معلومات نه دي ورکړي.

هڅه مو وکړه چې د ښاغلي مبارز د استعفا د دلایلو په اړه نور جزئیات هم ولرو، خو ښاغلي مبارز زموږ اړیکو ته ځواب را نه کړ، خو د استعفا په متن کې یې لیکلي دي چې ډېر ژر به ټول جزئیات له خلکو سره شریک کړي.

باز محمد مبارز له تېرو درېیو کلونو راهیسې د رزمي ورزشونو فدراسیون انتخابي رئیس و او له انتخابېدو وړاندې یې هم دوه کاله په افتخاري توګه د دې فدراسیون مشري کړې وه.

د ملګرو ملتونو د نقدو پیسو پنځمه کڅوړ؛ ۳۲ ملیونه ډالر افغانستان ته ورسېدل

ډالر

د بشری مرستو په دوام، ۳۲ میلیونه ډالر نقدی پیسې افغانستان ته انتقال شوې.

د افغانستان بانک له لوري په دې اړه یوه خپره شوې خبرپاڼه کې ویل شوي چې له افغانستان سره د بشري مرستو په دوام، پرون دوشنبه ۳۲ میلیونه امریکایي ډالر کابل ته انتقال او د افغانستان نړیوال بانک «AIB» ته وسپارل شوې.

د افغانستان بانک له لوري په خپره شوې اعلامیه کې ویل شوي، یاد بانک د هر هغه اقدام هرکلی کوي چې له اړمنو افغانانو سره د مرستې لامل کېږي.

له افغانستان سره د بشري مرستو په دوام دا د نقدو پیسو د مرستی پنځمه کڅوړه ده چې د عقرب میاشتی له وروستۍ اوونۍ راپدېخوا هره اوونۍ افغانستان ته انتقال او د افغانستان نړیوال بانک ته سپارل کېږی.

که څه ملګرو ملتونو ویلي و چې په افغانستان کې د بشري مرستو لپاره به له دې وروسته او د ۲۰۲۲ کال تر مارچ میاشتۍ، هره اوونۍ نږدې ۲۰ ملیونه امریکایی ډالر افغانستان ته انتقالوي خو په تېرو دوو اوونیو کې دغه پیسې افغانستان ته نه وې سپارل شوې چې اوس دا دی ویل شوي ۳۲ ملیونه ډالر یوځای وسپارل شوې.

د سوداګرۍ خونه د طالبانو له حکومته غواړي چې د سوداګرو بانکي ستونزې حل کړي

بانک ته د خلکو ولاړ کتارونه

د افغانستان د سوداګرۍ او پانګونې خونه د طالبانو له حکومته غواړي چې د افغان سوداګرو بانکي ستونزې هوارې کړي.

د افغانستان د سوداګرۍ او پانګونې خونې له لوري په خپره شوې خبرپاڼه کې راغلي چې د یادې خونې مرستیال محمد یونس مهمند او ګڼو سوداګرو یاده غوښتنه د افغانستان بانک له رئیس سره په لېدنه کې کړې.

په خبر پاڼه کې د ښاغلی مهمند له خولې ویل شوي چې افغان سوداګر د بانکي ستونزو له امله په منظم او عادي ډول سوداګري نه شي کولي.

د افغانستان بانک رئیس له سوداګرو سره ژمنه کړې چې هڅه به وکړي ترڅو ډېر ژر د سوداګرو بانکي ستونزې هوارې کړي.

پر افغانستان د طالبانو له واکمنۍ راورسته په ټول افغانستان کې د بانکونو فعالیته له ستونزو سره مخ شوي او دې چارې د عامو افغانانو ترڅنګ، سوداګر او پانګه وال هم له ګڼو ستونزو سره مخ کړي.

امریکا خپلو اتباعو ته: له اوکراینه ووځئ

اوکراین کې د امریکا سفارت

د امریکا متحدو ایالاتونو په اوکراین کې د خپل سفارت د کارکوونکو د کورنیو غړو ته له کیف د وتلو امر وکړ.

امریکا ویلي د روسیې د پوځي اقدام د خطر له کبله دې ټول امریکايي اتباع له اوکراینه پر وتلو غور وکړي.

د امریکا د بهرنیو چارو وزارت په یوه اعلامیه کې وویل، د سفارت غیر ضروري کارکوونکي کولای شي په خپله خوښه د حکومت په لګښت له اوکراینه ووځي.

یوه چارواکي ویلي، دا احتیاطي ګامونه دي چې د هغه په خبره له اوکراینه د امریکا د ملاتړ پر تعهد کوم اغیز نه کوي.

دغه چارواکي چې نوم یې نه دی اخیستل شوی، دا ونه ویل چې دا مهال په اوکراین کې د امریکايي وګړو شمېر څو ته رسېږي.

وروسته له هغې چې روسیې د اوکراین پولې ته څېرمه خپل زرګونه پوځیان ځای پر ځای کړل، غربي چارواکو د اوکراین په وړاندې د روسیې د پوځي اقدام د احتمال خبرداری ورکړ.

د امریکا د بهرنیو چارو وزارت په یوه اعلامیه کې وویل، امنیتي وضعیت په ځانګړي ډول د اوکراین په ختیځ کې د روسیې له خوا په اشغال شویو سیمو کې د اټکل وړ نه دی او د خرابۍ خوا ته روان دی

مسؤلین: د سالنګ پر لار د پېښو په وړاندې د اقدام لپاره ۱۳ مرکزونه جوړ شوي   

د سالنګ لویه لار

د طالبانو حکومت د ټول­ګټو وزارت وايي، د سالنګ پر لویه لار د پېښو په وړاندې د اقدام لپاره ۱۳ مرکزونه جوړ شوي دي.

د دغه وزارت د ویاند مرستیال محمد اشرف حق­شناس پرون په دې اړه ازادۍ راډیو ته وویل:"د ژغورنې دغه محلات یا د اضطرار اتاقونه په ژمنیو تجهیزاتو مجهز دي. ګران هېوادوال کولای شي د لویې لارې د تړل کېدو، توفان او واورې ښویېدو په صورت کې، زموږ دغسې یوه مرکز ته ځان ورسوي."

هرکال د ژمي پر مهال پر سالنګ درنه واوره اوري چې زیات وخت د دې لار د تړل کېدو سبب کېږي.

د سالنګونو د ساتنې او څارنې ادارې پرون وویل چې دغه لار د ۳۰ ساعتونو له تړل کېدو وروسته د سورلیو د موټرو پرمخ پرانیستل شوه.

د ارمنستان ولسمشر له خپلې دندې استعفی وکړه

د ارمنستان ولسمشر

د ارمنستان ولسمشر، ارمن سرکیسیان له خپلې دندې چې تر ډېره تشریفاتي بڼه لري، استعفی وکړه.

ده ویلي د ملي بحران پر مهال پر پالېسیو د نفوذ نه درلودلو له کبله له خپلې دندې استعفی کوي.

د هغه د دفتر وېب سایټ پرون په یوه یوه اعلامیه کې د ده په وینا ویلي، ولسمشر په اوسنیو بحراني شرایطو کې چې ملت او هېواد ورسره مخامخ دی، پر محلي او بهرنۍ پالېسۍ د نفوذ اړتیا وړ ابزارونه نه لري.

۶۹ کلن سرکیسیان ویلي، دا پرېکړه یې د احساساتو له مخې نه ده کړې، بلکې یو مشخص منطق ورته لري.

سرکیسیان د ځینو مسایلو له کبله د صدراعظم نیکول پاشینیان له منتقدانو و، په ځانګړي ډول د بېلتونپالې سیمې نګرنو-قره باغ پر سر له اذربایجان سره د شپږو اوونیو د جګړې پر مهال.

د ۲۰۲۰کال هغه جګړه د روسیې په منځګړیتوب د سولې د یوې موافقې له کبله پای ته ورسېده.

نن په اوسلو کې د طالبانو په ګډون د ناستو دویمه ورځ ده

طالب پلاوی

نن د ناروې پلازمېنه اوسلو کې د طالبانو په ګډون د ناستو دویمه ورځ ده.

طالبانو ویلي چې پرون یې له یو شمېر بهر مېشتو افغان فعالانو سره رغنده خبرې وکړې.

اخوا د افغانستان لپاره د امریکا ځانګړی استازی توماس وېسټ او د افغانستان د بشري حقونو او ښځو لپاره د امریکا ځانګړې استازې رینا امیري له خپلو همکارانو سره اوسلو کې دي.

دوی او اروپايي استازي به نن او سبا له طالبانو سره غونډې ولري.

طالبان وایي له امریکايي او اروپايي ډیپلوماټانو سره به د کنګل شویو پیسو د خلاصون او مرستو په اړه وغږیږي.

د امریکا ځانګړي استازي توماس وېسټ پرون ویلي چې له طالبانو سره به د خپلو اندېښنو او د با ثباته، ټولشموله او د حقونو احترام لرونکي افغانستان په اړه د پرانېستو سترګو ډیپلوماسي مخته وړي.

هېدر بار: د ښځو د حقونو دوه فعالانې باید ژر تر ژره خوشې شي

هېدر بار

د بشري حقونو د څار سازمان د ښځو د څانګې مشره وايي چې د ښځو د حقونو دوه فعالانې پروانه ابراهیم خېل او تمنا زریاب پریاني باید ژر تر ژره خوشې شي.

هیدر بار بېګا په خپل ټوېټر باندې دا خبره لیکلې ده.

هغې ویلي:" له چهارشنبې راهیسې دا دوه افغانې فعالانې ترۍ تمې دي طالبان که څه هم دا ردوي چې هغوی ورسره دي خو د ځای د معلومولو لپاره یې هم هېڅ پلان نه ورکوي."

هیدر بار د امریکا د خاص استازي توماس وېسټ په وروستي بیان هم انتقاد کړی چې ویلي یې دي ،له طالبانو سره د پرانیستو سترګو ډیپلوماسي کوو.

بار نیوکه کړې چې ولې د پرانیستو سترګو په دې ډیپلوماسي کې د ښځینه معترضینو د یرغمل نېونې په تړاو غږ نه پورته کېږي.

طالبان د ښځو د حقونو د دوو فعالانو پروانه ابراهیم خېل او تمنا زریاب پریاني په بندیانولو باندې تورن شوي.

د طالبانو ویاندویانو بیا دا ادعاوې رد کړي او ویلي یې دي چې دا ښځې دوی نه دي بندیانې کړي.

کرکټ؛ افغان لوبډلې هالنډ ته دوه ځلې سر په سر ماتې ورکړې

د کرکټ افغانه لوبډله

د افغانستان د کرکټ ملي ټيم د نیډرلنډ/هالند ټیم دوه واره سر په سر وګاټه او د نړیوال جام د لارې موندنې لپاره یې شل امتیازه ترلاسه کړل.

د کرکټ بورډ ویاند فرید هوتک یې په اړه ازادي راډیو ته وویل:" د کرکټ ملي ټیم نیډرلنډ ته د دوو پرله پسې ماتې ورکولو سره د دې لوبو جام وګاټه. دا لوبې خورا مهمې دي ځکه له همدې لوبو ټیمونه کولای شي نیغ په نیغه نړیوال جام ته لار پیدا کړي. له نیدرلنډ سره د افغانستان د ملي ټيم راتلونکې او وروستۍ لوبه د جنورۍ په ۲۵ مه سه شنبه ترسره کېږي."

د ۲۰۲۳ کال د نړیوال جام د لارې موندنې امتیازي لوبې د افغانستان او هالنډ تر منځ د قطر په پلازمېنې دوحې کې روانې دي.

د یکشنبې په لوبه کې افغانستان د ۶ لوبغاړو په سوځېدو ۲۳۷ منډې وکړې او سیال ټيم یې په ۱۸۹ منډو اوټ کړ.

د افغانستان لپاره په دې لوبه کې رحمن الله ګربز سلیزه ووهله، کپټان حشمت الله شهیدي پنځوس منډې وکړې او په بالنګ کې مجیب الرحمن ۴ وېکټې واخیستې.

نور راوښيه

XS
SM
MD
LG