د خوست والي وایي، اوس هم دې ولایت ته له شمالي وزیرستانه د کورنیو د راکډه کیدو بهیر دوام لري.
د خوست والي عبدالجبار نعیمي ازادي راډیو ته وویل، چې له دغو کورنیو سره د دوی او نړیوالو مرسته کوونکو له خوا مرستې شوي؛ خو اوس هم له ځینو ستونزو سره مخ دي.
له ښاغلي نعیمي سره زموږ همکار اسدالله لودین مرکه کړې او په سر کې یې له شمالي وزیرستانه د را بې ځایه شوو کډوالو د شمیر په اړه معلومات ترې غوښتي.