د لاسرسۍ وړ لېنکونه

تازه خبر
سه شنبه ۵ سلواغه ۱۴۰۰ کابل ۰۴:۱۲

افغانستان

په هلمند کې سلګونو کسانو د روانې جګړې په اړه مظاهره وکړه

د هلمند ولایت په سنګین ولسوالۍ کې په سلګونو کسانو مظاهره وکړه او له دولتي چارواکو یې وغوښتل چې؛ یا دې د دوی سیمه له مخالفانو پاکه کړې او یا دې هغوی ته پریږدي.

د هلمند امنیه قوماندان عبدالقیوم باقي زوی د سنګین له اوسیدونکو هیله وکړه چې؛ د جګړې د پای ته رسیدو لپاره دي له امنیتي ځواکونو سره مرسته وکړي.

د سنګین په جګړه کې چې له دوو اونیو راهیسي روانه ده، زیات شمیر ملیکان او پوځیان وژل شوي او ټپیان یې په لشکرګاه کې روغتونو ته انتقال شویدي.

له بلې خوا، د افغانستان د عامې روغتیا وزیرې ثریا دلیل د هلمند ولایت د مرکز لشکر ګاه روغتونونه وکتل او د روانو جګړو د ټپیانو د درملنې چارې یې له نږدې وارزولې.

میرمن دلیل آزادي راډیو سره مرکه کې وویل؛ د پنجشنبي په ورځ د هلمند ولایت بست او ایمرجنسي روغتونونو ته ولاړه او د ټپیانو د ښې درملنې په مقصد یې مسولو کسانو ته لارښونه وکړه.

د عامې روغتیا وزیره وایي، په روغتونونو کې له اصلي ظرفیت څخه زیاتې بسترې ایښودل شوې؛ خو د ټپیانو شمیر د اندیښني وړ دی. دا وایي، د هلمند په څو ولسوالیو کې د وروستیو جګړو ۳۶۰ تنه ټپیان په یادو روغتونو کې بستري شویدي.

ثریا دلیل په سنګین ولسوالۍ کې وضعه ډیره وحشتناکه وبلله او وایي، د روژې په دې مبارکه میاشت کې د ملکي خلکو ژوند له زیاتو ستونزو سره مخامخ دی:

"په سنګین ولسوالۍ کې بیا جګړه پیل شوي او ملکي خلک سخت لالهانده او سرګردانه دي. د روژې په مبارکه میاشت کې چې خلک روژه دي، دا ډول حملې او خونړۍ جګړې ډیرې وحشتناکي دي."

د عامې روغتیا وزیره وایي، په ټپیانو کې ۶۱ ښځې او ۳۸ کوچنیان شامل دي.

د ورځې تازه خبرونه دلته ولولئ

د سره صلیب کمېټې سکرتر جنرال برنټ اپېلانډ کابل ته تللی 

آرشیف، د سره صلیب نښان

د سره صلیب کمېټې سکرتر جنرال برنټ اپېلانډ کابل ته تللی او هلته یې له طالب چارواکو سره لیدلي.

د افغاني سرې میاشتې ټولنې دا خبره نن په یوه اعلامیه کې کړې.

د اعلامیې له مخې سره صلیب کمېټې سکرتر جنرال ښاغلي اپېلانډ د سرې میاشتې ټولنې له سرپرست مرستیال ملا نورالدین ترابي سره کتلي او له افغاني سرې میاشتې ټولنې سره یې په روغتیايي برخه کې د همکاریو ژمنه کړې ده.

اعلامیه زیاتوي سره صلیب کمېټې دې چارواکي ویلي چې په ۲۰۲۲کال کې د افغاني سرې میاشتې ۴۶ ثابتو کلینیکونو ته د اړتیا وړ هر ډول درمل ورکوي او له افغاني سرې میاشتې سره به د نورو ثابتو کلینیکونو په جوړولو کې رغنده مرکزي رول ترسره کوي.

ښاغلي برنټ اپیلاند ژمنه کړې چې سږکال به د افغاني سرې میاشتې د ټولو کلینیکونو د کارکوونکو معاش ورکوي.

دېبورا لاینز د طالبانو کورنیو چارو وزیر ته: افغان ښځینه فعالانې پیدا کړئ

دېبورا لاینز

د افغانستان لپاره د ملګرو ملتونو د سرمنشي ځانګړې استازې دېبورا لاینز د طالبانو د کورنیو چارو له وزیر غوښتي چې تري تم شویو افغان ښځینه فعالانو د لټون لپاره لاس په کار شي.

دا خبره د یوناما په یوه ټوېټر بیان کې راغلې ده.

په بیان کې زیاته شوې چې دېبورا لاینز نن د طالبانو د کورنیو چارو وزارت له سرپرست سراج الدین حقاني سره په کابل کې کتلي دي.

د بیان له مخې دېبورا لاینز سراج الدین حقاني هڅولی چې د تري تم شویو افغان ښځینه فعالانو لپاره چې ویل کېږي تېره اوونۍ په کابل کې له خپل کوره وړل شوي اقدامات وکړي او د هغوی ازادي خوندي کړي.

طالبانو که څه هم رد کړې چې د پروانه ابراهیم خېل او تمنا زریاب پریاني په نوم فعالانې دوی بندیانې کړي خو د راپورونو له مخې طالبان تورن شوي چې دا دوه فعالانې یې نیولي او له شااوخوا پنځو ورځو راهیسې لادرکه دي.

په خپله تمنا زریاب پریاني په هغه شپه چې نیول کېده یوه ویډیويي پیغام کې د مرستې غوښتنه کوي او وايي چې د طالبانو کسان یې د کور تر شاه ورغلي.

له دې مخکې د بشري حقونو ګڼو مدافع ډلو هم د پروانه ابراهیم خېل او تمنا زریاب پریاني د خوشې کولو غوښتنه کړې ده.

اوسلو کې طالبانو د امریکا او ځینو نورو هېوادونو استازو سره خبرې پيل کړې

اوسلو؛ طالب پلاوی او د یو شمېر هېوادونو استازي

نن د ناروې پلازمېنه اوسلو کې د امریکا په شمول د یو شمېر هېوادونو استازیو له طالب پلاوي سره خبرې پيل کړې دي.

دا خبره د طالبانو د حکومت د بهرنیو چارو وزارت ویاند قهار بلخي په خپل ټویټر خپره کړې ده.

هغه زیاته کړې چې د مولوي امیرخان متقي په مشرۍ د طالبانو له پلاوي سره په دې خبرو کې د امریکا، بریتانیا، جرمني، ناروې، ایټالیا، قطر، فرانسې او اروپايي ټولنې استازي حضور لري.

د بلخي په ټوېټر کې راغلي چې تر دې دمه د اقتصاد، بشري مرستو، امنیت، مرکزي بانک په فعالیت، روغتیا او نورو اړوندو مسئلو باندې خبرې وشوې.

بلخې زیاته کړې چې بحثونه لا هم روان دي او جزئیات به یې وروسته خپاره کړي.

د امریکا په پلاوي کې د افغانستان لپاره د امریکا ځانګړی استازی ټوماس وېسټ او د افغانستان د بشري حقونو او ښځو لپاره د امریکا استازې رینا امیري او ځیني نور چارواکي شامل دي.

مخکې رینا امیري لیکلي و چې په دې حساس وخت کې غواړي له طالبانو سره د افغانستان په بشري وضعیت او بشري حقونو باندې خبرې وکړي.

توماس وېسټ هم ویلي چې له طالبانو سره به د باثباته افغانستان او خپلو اندېښنو په تړاو د پرانېستو سترګو ډیپلوماسي کوو.

طالبان وایي له امریکايي او اروپايي ډیپلوماټانو سره به د افغانستان د کنګل شویو اسعاري زېرمو د خلاصون او له افغانستان سره د بشري مرستو پر دوام خبرې وکړي.

طالب مسؤلین: په کابل کې مو ۱۱ کلن ماشوم له انسان تښتوونکو وژغوره

طالبان

په کابل کې د طالبانو امنیتي چارواکو ویلي چې یو ۱۱ کلن ماشوم یې له انسان تښتوونکو ژغورلی دی.

د راپورونو له مخې انسان تښتوونکو د شعېب په نوم ماشوم د کابل له درېیمي حوزې تښتولی وو.

د درېیمې حوزې مرستیال محب الله مشفق د دوو انسان تښتوونکو د نیولو او د ماشوم د خوشې کولو په اړه په یوه ویډیويي پیغام کې ویلي:" څلور ورځې مخکې یو ورور مراجعه وکړه چې وراره یې لا درکه دی. بیا موږ خپل اقدامات پيل کړل او په نتیجه کې مو دا دوه تنه انسان تښتوونکي ونیول."

اخوا په دې ویډیو کې چې د طالبانو د کورنیو چارو وزارت خپره کړې په خپله ژغورل شوی ماشوم شعیب هم وایي چې انسان تښتوونکو څلور ورځې ساتلی وو او کار یې هم ورباندې کاوه.

د ملګرو ملتونو د نقدو پیسو پنځمه کڅوړ؛ ۳۲ ملیونه ډالر افغانستان ته ورسېدل

ډالر

د بشری مرستو په دوام، ۳۲ میلیونه ډالر نقدی پیسې افغانستان ته انتقال شوې.

د افغانستان بانک له لوري په دې اړه یوه خپره شوې خبرپاڼه کې ویل شوي چې له افغانستان سره د بشري مرستو په دوام، پرون دوشنبه ۳۲ میلیونه امریکایي ډالر کابل ته انتقال او د افغانستان نړیوال بانک «AIB» ته وسپارل شوې.

د افغانستان بانک له لوري په خپره شوې اعلامیه کې ویل شوي، یاد بانک د هر هغه اقدام هرکلی کوي چې له اړمنو افغانانو سره د مرستې لامل کېږي.

له افغانستان سره د بشري مرستو په دوام دا د نقدو پیسو د مرستی پنځمه کڅوړه ده چې د عقرب میاشتی له وروستۍ اوونۍ راپدېخوا هره اوونۍ افغانستان ته انتقال او د افغانستان نړیوال بانک ته سپارل کېږی.

که څه ملګرو ملتونو ویلي و چې په افغانستان کې د بشري مرستو لپاره به له دې وروسته او د ۲۰۲۲ کال تر مارچ میاشتۍ، هره اوونۍ نږدې ۲۰ ملیونه امریکایی ډالر افغانستان ته انتقالوي خو په تېرو دوو اوونیو کې دغه پیسې افغانستان ته نه وې سپارل شوې چې اوس دا دی ویل شوي ۳۲ ملیونه ډالر یوځای وسپارل شوې.

د سوداګرۍ خونه د طالبانو له حکومته غواړي چې د سوداګرو بانکي ستونزې حل کړي

بانک ته د خلکو ولاړ کتارونه

د افغانستان د سوداګرۍ او پانګونې خونه د طالبانو له حکومته غواړي چې د افغان سوداګرو بانکي ستونزې هوارې کړي.

د افغانستان د سوداګرۍ او پانګونې خونې له لوري په خپره شوې خبرپاڼه کې راغلي چې د یادې خونې مرستیال محمد یونس مهمند او ګڼو سوداګرو یاده غوښتنه د افغانستان بانک له رئیس سره په لېدنه کې کړې.

په خبر پاڼه کې د ښاغلی مهمند له خولې ویل شوي چې افغان سوداګر د بانکي ستونزو له امله په منظم او عادي ډول سوداګري نه شي کولي.

د افغانستان بانک رئیس له سوداګرو سره ژمنه کړې چې هڅه به وکړي ترڅو ډېر ژر د سوداګرو بانکي ستونزې هوارې کړي.

پر افغانستان د طالبانو له واکمنۍ راورسته په ټول افغانستان کې د بانکونو فعالیته له ستونزو سره مخ شوي او دې چارې د عامو افغانانو ترڅنګ، سوداګر او پانګه وال هم له ګڼو ستونزو سره مخ کړي.

مسؤلین: د سالنګ پر لار د پېښو په وړاندې د اقدام لپاره ۱۳ مرکزونه جوړ شوي   

د سالنګ لویه لار

د طالبانو حکومت د ټول­ګټو وزارت وايي، د سالنګ پر لویه لار د پېښو په وړاندې د اقدام لپاره ۱۳ مرکزونه جوړ شوي دي.

د دغه وزارت د ویاند مرستیال محمد اشرف حق­شناس پرون په دې اړه ازادۍ راډیو ته وویل:"د ژغورنې دغه محلات یا د اضطرار اتاقونه په ژمنیو تجهیزاتو مجهز دي. ګران هېوادوال کولای شي د لویې لارې د تړل کېدو، توفان او واورې ښویېدو په صورت کې، زموږ دغسې یوه مرکز ته ځان ورسوي."

هرکال د ژمي پر مهال پر سالنګ درنه واوره اوري چې زیات وخت د دې لار د تړل کېدو سبب کېږي.

د سالنګونو د ساتنې او څارنې ادارې پرون وویل چې دغه لار د ۳۰ ساعتونو له تړل کېدو وروسته د سورلیو د موټرو پرمخ پرانیستل شوه.

نن په اوسلو کې د طالبانو په ګډون د ناستو دویمه ورځ ده

طالب پلاوی

نن د ناروې پلازمېنه اوسلو کې د طالبانو په ګډون د ناستو دویمه ورځ ده.

طالبانو ویلي چې پرون یې له یو شمېر بهر مېشتو افغان فعالانو سره رغنده خبرې وکړې.

اخوا د افغانستان لپاره د امریکا ځانګړی استازی توماس وېسټ او د افغانستان د بشري حقونو او ښځو لپاره د امریکا ځانګړې استازې رینا امیري له خپلو همکارانو سره اوسلو کې دي.

دوی او اروپايي استازي به نن او سبا له طالبانو سره غونډې ولري.

طالبان وایي له امریکايي او اروپايي ډیپلوماټانو سره به د کنګل شویو پیسو د خلاصون او مرستو په اړه وغږیږي.

د امریکا ځانګړي استازي توماس وېسټ پرون ویلي چې له طالبانو سره به د خپلو اندېښنو او د با ثباته، ټولشموله او د حقونو احترام لرونکي افغانستان په اړه د پرانېستو سترګو ډیپلوماسي مخته وړي.

هېدر بار: د ښځو د حقونو دوه فعالانې باید ژر تر ژره خوشې شي

هېدر بار

د بشري حقونو د څار سازمان د ښځو د څانګې مشره وايي چې د ښځو د حقونو دوه فعالانې پروانه ابراهیم خېل او تمنا زریاب پریاني باید ژر تر ژره خوشې شي.

هیدر بار بېګا په خپل ټوېټر باندې دا خبره لیکلې ده.

هغې ویلي:" له چهارشنبې راهیسې دا دوه افغانې فعالانې ترۍ تمې دي طالبان که څه هم دا ردوي چې هغوی ورسره دي خو د ځای د معلومولو لپاره یې هم هېڅ پلان نه ورکوي."

هیدر بار د امریکا د خاص استازي توماس وېسټ په وروستي بیان هم انتقاد کړی چې ویلي یې دي ،له طالبانو سره د پرانیستو سترګو ډیپلوماسي کوو.

بار نیوکه کړې چې ولې د پرانیستو سترګو په دې ډیپلوماسي کې د ښځینه معترضینو د یرغمل نېونې په تړاو غږ نه پورته کېږي.

طالبان د ښځو د حقونو د دوو فعالانو پروانه ابراهیم خېل او تمنا زریاب پریاني په بندیانولو باندې تورن شوي.

د طالبانو ویاندویانو بیا دا ادعاوې رد کړي او ویلي یې دي چې دا ښځې دوی نه دي بندیانې کړي.

داعش په هرات کې د وروستي مرګوني برید مسؤلیت ومانه

هرات کې وروستۍ چاودنه

داعش یا اسلامي دولت ډلې په هرات کې د یوې مرګونې حملې مسؤلیت منلی دی.

برید د شنبې په ورځ شوی وو او داعش یې پرون مسؤلیت ومانه.

رویټرز راپور ورکړ چې داعش ډلې پرون ناوخته په خپل ټلګرام پاڼه کې د دې برید مسؤلیت ومانه.

د شنبې په ورځ د هرات په حاجي عباس ښارګوټي کې چې عمدتاً شیعه ګان په کې اوسي په یوه موټر باندې د مقناطیسي ماین چاودنه وشوه.

د هرات د چارواکو په خبره په دې برید کې شپږ کسان وژل شوي.

په وژل شویو کې ښځې او ماشومان شامل دي.

د طالبانو حکومت: د وروستیو طبیعي پېښو قربانیانو ته مو مرستې رسولي

په بادغیس کې وروستۍ زلزله

د طالبانو حکومت د طبیعي پېښو سره د مبارزې وزارت وايي، د وروستیو اورښتونو او نورو طبیعي پېښو قربانیانو ته یې مرستې رسولي.

د دې وزارت چارواکي وايي چې د بهرنیو ملاتړو پر همکارۍ د وروستیو طبیعي پېښو قربانیانو ته د نقدي پېسو تر څنګ خوراکي توکي هم رسولي.

ددې وزارت مالي او ادارې مرستیال عنایت الله شجاع وایي:" د طبیعي پېښو سره د مبارزې وزیر د هدایت پر بنسټ د طبیعي پېښو له امله د هر شهید کورنۍ سره ۵۰ زره افغانۍ، زخمي سره ۲۵۰ زره افغانۍ او هغه کسان چې کورونه یې وران شوي ۳۰ زره افغانۍ نقدو پېسو مرستې شوې دي، دغه وزارت د همکارو موسسو په همکارۍ شااوخوا ۱۵ زره کورنیو سره چې د طبیعي پېښو زیانمن شوي مرستې کړي. "

د نوموړي په خبره، هغه کسان چې په وروستیو پېښو کې ګیر پاتې وو د ژغورنې لپاره یې د دفاع وزارت له هلیکوپټرو هم کار اخیستل شوی او دا چاره به راتلونکي کې هم دوام ولري.

د یاد وزارت د معلوماتو پر بنسټ، په افغانستان کې وروستیو طبیعي پېښو د جدي میاشتې له ۱۳ مې نېټې راپدېخوا ۴۲ کسان وژلي او ۷۶ نور یې ټپیان کړي دي، او دغه شان یې شااوخوا ۲۰۸۴ کورونه ويجاړ کړي دي.

ملګري ملتونه: په کابل کې سخت ژمي د ګڼو کسانو ژوند له خطر سره مخ کړی

ارشیف؛ بې وزله ماشوم

په داسې حال کې چې په ناروې کې د افغانستان پر بشري وضعیت بحث کېږي، د ملګرو ملتونو د وګړو صندوق یا «UNFPA» وايي په کابل کې د بې وزلۍ او سخت ژمي له کبله د ګڼو کسانو ژوند له خطر سره مخامخ دی.

دغې ادارې نن په ټویټر کې لیکلي د خلکو د نفوس زیاتوالی، بې وزلي، د خلکو بې ځایه کېدل او د هوا سوړوالی زیات شوی چې ورسره د خلکو زیان ګالل او روغتیايي ستونزې هم زیاتې شوې دي.

د ملګرو ملتونو د وګړو صندوق وايي، دوی په افغانستان کې مېندو، نویو زېږېدلو ماشومانو او ځوانانو ته د روغتیايي خدماتو وړاندې کولو ملاتړ کوي.

تر دې مخکې هم د ملګرو ملتونو نورو ادارو د کابل په ګډون د افغانستان په ټولو ولایتونو کې بشري مرستو ته د ملیونونو افغانانو د اړ کېدو په باب څرګندونې کړې وې.

دا په داسې حال کې ده چې د ناروې پلازمېنه اوسلو نن د هغې درې ورځنۍ غونډې کوربنه ده چې د طالبانو استازي په کې له اروپايي، امریکايي او نورو سازمانونو له استازو سره خبرې کوي.

د ناروې د بهرنیو چارو وزارت ویلي چې غونډه کې به د نورو موضوعاتو ترڅنګ افغانستان کې د بشري وضعیت څېړل او پرتو ستونزو ته د حل لارو په اړه خبرې او بحثونه وشي.

د روغتیا سازمان: په افغانستان کې مو د 'کووېډ-۱۹' په برخه کې هڅې پراخې کړي

د افغان جاپان روغتون

د روغتیا نړیوال سازمان وايي، د اروپايي ټولنې په مرسته یې په افغانستان کې له 'کووېډ-۱۹' ناروغۍ د افغانانو د خوندیتوب لپاره خپلې هڅې پراخې کړي.

په افغانستان کې د روغتیا نړیوال سازمان یا «WHO» څانګې نن په ټویټر کې لیکلي چې دوی په ۳۴ ولایتونو کې له'کووېډ-۱۹' ناروغۍ د خلکو د خوندیتوب لپاره خپل فعالیتونه پراخ کړي دي.

د دې سازمان په خبره دوی د څارنې، تشخیص، د ولایتي روغتونونو د تقویې او د ناروغیو د کنټرول مرکزونو ته د اسانتیاوو برابرولو هڅه کوي.

رسمي شمېرې ښيي چې په افغانستان کې د کرونا وبا له پیله د کرونا ویروس یو لک او شپېته زره مثبتې پېښې او په دې ویروس د ۷۳۹۰ کسانو مړینه ثبت شوې ده، خو متخصصان وايي واقعي شمېر ښايي تر دې زیات وي.

د کندهار سوداګرۍ خونه: د تېر کال پرتله د انځرو صادرات دوه برابره شوي

انځر

د کندهار د سوداګرۍ او پانګونې خونه وايي، په تېرو ۹ میاشتو کې ۲۳۴۶۶ ټنه انځر له هېواده بهر صادر شوي دي.

د دې خونې عامل رئیس عبدالباقي نن یکشنبې( د سلواغې په ۳مه) ازادي راډيو ته وویل، د سږکال په تېرو ۹ میاشتو کې د وچو انځرو صادرات د تېر کال د ورته وخت پرتله دوه برابر ډېر شوي دي.

د کندهار د سوداګرۍ او پانګونې خونې د معلومات پر بنسټ د تېر کال په ۹ میاشتو کې ۱۰۷۱۹ ټنه انځر صادر شوي وو.

ښاغلي عبدالباقي وویل، له انارو او انګورو وروسته انځر د کندهار درېیمه مېوه ده چې تر ډېره د پاکستان له لارې هند ته صادریږي.

کندهار، هرات، هلمند، فاریاب او بلخ هغه ولایتونه دي چې د انځرو حاصلات په کې ډېر دي.

 د اقینې بندر له لارې صادرات او واردات ۴۰ سلنه کم شوي 

د اقینې بندر

د فاریاب د سوداګرۍ او پانګونې خونه وايي، په تېرو ۵ میاشتو کې د اقینې بندر له لارې صادرات او واردات د تېر کال د لومړیو میاشتو پرتله ۴۰ سلنه کم شوي دي.

د دې خونې مرستیال عبدالرشید غیاثي نن یکشنبې( د سلواغې په ۳مه) ازادي راډیو ته وویل، د یاد ولایت د سوداګرو واردات لکه اوړه، غوړي، تېل، ګاز او نور الکترونیکي وسایل دي او شیرین بویه، ممیز، پیاز او کچالو د اقینې بندر له لارې صادرېږي.

د ښاغلي غیاثي په وینا، ترکمنستان، ترکيې او ځینو نورو اسیايي او اروپايي هېوادونو ته د اقینې بندر له لارې صادارات او واردات کېږي.

نوموړي زیاته کړه، که له بانکونو د افغان سوداګرو د پیسو ترلاسه کولو ستونزه حل شي، سوداګري به د پخوا په څېر بېرته ښه شي.

په افغانستان د طالبانو په بیا واکمنېدو سره په دغه هېواد کې د بانکونو فعالېتونه غیرعادي شوي دی چې خلک او سوداګر یې له ډېرو ستونزو سره مخ کړي دي.

نور راوښيه

XS
SM
MD
LG