په اسلام اباد کې چاودنې ۲۵ تنه وژلي
پولیس او روغتیایي چارواکي وایي، د پاکستان د مرکز اسلام آباد په لمن کې د بمي چاودنې له امله لږ ترلږه ۲۵ کسان مړه او ۳۹ نور ټپیان شوي دي. بم د سبزیو او میوې مارکیټ کې چې د اسلام آباد او راولپنډۍ تر منځ پروت دی؛ چاودلی دی. پولیس وایي، شاوخوا پنځه کیلوګرامه چاودیدونکي مواد د میو په یوه کارټن کې ځای پرځای شوي وو. عیني شاهدانو مشال راډیو ته ویلي؛ چاودنه سهار وختي هغه مهال وشوه چې؛ کاریګر او خلک میو اخیستو ته راټول شوي وو.