د لاسرسۍ وړ لېنکونه

تازه خبر
جمعه ۱۰ وری ۱۴۰۳ کابل ۰۱:۱۲

عاجل خبر

د جلال اباد په پېښه کې د۷حمله کوونکو په ګډون ۱۸ تنه وژل شوي

نن سهار وختي شاوخوا پینځه بجې درنو چاودنو د جلال اباد ښار ولړزاوه، چې وروسته وسله واله نښته هم پيل شوه.

دا درنه چاودنه د لومړی امنيتي حوزې په دروازه کې د یوه موټر بم په وسیله وشوه او نور وسله وال حوزې ته ننوتل، چې او د امنيتي ځواکونو سره وسله واله نښته پيل کړه.

دغې نښتې تر درې نیم ساعتو پورې دوام وکړ.

د پيښې پای ته رسیدو وروسته د ننګرهار والي مولوی عطالله لودین، د کورنیو چارو وزارت مرستیال ایوب سالنګي او د ننګرهار امنیه قومندان فضل احمد شیرزاد په ګډه خبرې کنفرانس ورکړ.

فضل احمد شیرزاد وویل، په دې پېښه کې د اوو تنو ځان وژونکو برید ګرو په ګډون اتلس تنه وژل شوي او څوارلس پولیس زخميان دي:

"دغه برید سهار پینځه بجې شروع شو، زه خپله هماغه وخت ورته رغلی وم، زموږ امنيتي موظفینو قوي مقاومت وکړ، دا اووه تنه بریدګر و، ټول وژل شوي او زموږ د امنيتي ځواکونو لس تنه وژل شوي او څوارلس تنه نور زخمیان دي او یو ملکي کس هم وژل شوی دی"

د قومندان د معلوماتو له مخې په وژل شویو کې د لومړی حوزې امر او یو ملکي وګړی هم په کې شامل دی.

دا، چې د دې برید څخه هدف څه و، د ننګرهار والي ویاند احمدضياعبدالزی يې په اړه وايي:

"داسې تصور کیږي، چې د حوزې ترڅنک ځيني نور تاسیسات د دوی هدف و، چې ولایت هم په کې دی، خو دوی په لومړی نقطه کې پاتې شول او هلته له منځه لاړل"

د وسله والو طالبانو ویاند ذبیح الله مجاهد د دې برید مسولیت په غاړه اخیستی او په خبره يې، چې په دې پېښه کې په لسګونو امنيتي کسانو ته مرګ ژوبله اوښتې ده.

د یادونې وړ ده، چې لومړی امنيتي حوزه د ولایت شاهي ماڼۍ سره دیوال شریکه ده او دا رنګه مخامخ ورته د ننګرهار ملي راډیو تلویزیون ودانۍ ده، چې د دې برید له امله یاده ودانۍ هم زیانمنه شوې ده.

ننګرهار : شاه محمود شینواری

پخواني:
د ننګرهار امنیتي چارواکي وایې، په جلال اباد کې د لومړۍ امنیتي حوزې او د ولایت پرمقام د وسله والو په حمله کې د یوه ملکي وګړي په ګډون لس پولیس او اووه حمله کوونکي وژل شوي دي.

د ننګرهار امنیه قومندان فضل الاحمد شیرزاد نن خبریالانو ته وویل، چې په پيښه کې څوارلس پولیس ټپیان هم دي.

نوموړي زیاته کړه، چې وسله والو درې ساعته مقاومت وکړ او اوس سیمه په بشپړه توګه د امنیتي ځواکونو په کنټرول کې ده.

دا پيښه نن سهار پنځه بجې وروسته له هغې پيل شوه، چې طالبانو د جلال اباد ښارد لومړۍ امنیتي حوزې مخې ته یوه موټر بم چاودنه وکړه.


وسله والو طالبانو د دې حملې مسولیت په غاړه اخیستی دی.


پخواني:

د کورنیو چارو وزارت وایې، په جلال اباد کې په لومړۍ امنیتي حوزې او د ولایت مقام باندې حمله کوونکي له منځه تللي او نښته پای ته رسیلې ده.

د دې وزارت ویاند صدیق صدیقي له ازادی راډيو سره په مرکه کې که څه هم د دې نښتې د تلفاتو په اړه معلومات ورنه کړل خو ویې ویل، چې امنیتي ځواکونه اوس سیمه تصفیه کوي.

د جلال اباد د مرکزي روغتون چارواکو د معلوماتو له مخې د نښتې له سیمې دوی ته دوه مړي او شل ټپیان ور وړل شوي دي.

دا پيښه نن سهار پنځه بجې وروسته له هغې پيل شوه، چې طالبانو د جلال اباد ښار د لومړۍ امنیتي حوزې مخې ته یوه موټر بم چاودنه وکړه.

وسله والو طالبانو د دې حملې مسولیت په غاړه اخیستی دی.

پخواني معلومات:
د جلال اباد ښار پرلومړۍ حوزه او شاهي ماڼۍ وسلوال بريد او درنې چاودنې شوي.

نن سهار شا او خوا پنځه بجې د جلال اباد ښار پر لومړۍ حوزه لومړى درنې چاودنې او له هغې وروسته وسلواله نښته پيل شوه.

عيني شاهدان وايي، چې له چاودنې وروسته وسلوالو د شاهي ماڼۍ پر دروازې هم بريد وکړ، چې له امله يې نښته رامنځته شوه.

د ملکي روغتون رييس ډاکتر همايون زهير وايي، چې تردې دمه د پېښې له سيمې ورته ١٢ پوليس ور وړل شوي دي، چې روغتيايي حالت يې د ډاډ وړ دى.

ويل کيږي، چې يادو چاودنو کې د ننګرهار د ملي راډيو تلويزون ودانۍ هم زيانمنه شوې ده.

د يادې پېښې په اړه تر دا مهاله ولايتي چارواکو رسنيو ته څۀ نه دي ويلي.

خو د وسله والو ‌طالبانو وياند ذبيح الله مجاهد ازادۍ راديو ته په ټليفوني اړيکه کې د دې بريد مسوليت په غاړه اخيستی او په خبره يي، چې ملګرو يي لومړي د موټر بم په وسيله پر لومړي حوزه انفجار کړي، وروسته يوه ډله وسله وال ورننوتي او د ولايت مقام او شاهي ماڼى يي تر بريد لاندې راوستې.

مجاهد وايي، نښته اوس هم روانه ده، دي وايي ګڼ شمېرامنيتي ځواکونو ته مرګ ژوبله اوښتې خو دقيقه شمېره نه ده معلومه.

د يادونې وړ ده، چې په جلال اباد ښار کې لومړۍ امنيتي حوزه او شاهي ماڼۍ دوه خوا په خوا ودانۍ دي.

د ورځې تازه خبرونه دلته ولولئ

د طالبانو کورنيو چارو وزارت: د کابل په اتمه ناحيه کې چاودنه شوې

بېړنۍ خبر
بېړنۍ خبر

د طالبانو د کورنیو چارو وزارت وايي د کابل په اتمه ناحیه کې نن چاودنه شوې، خو مرګ ژوبله یې نه ده اړولې.

د دغه وزارت ویاند عبدالنافع ټکور ویلي، منفجره مواد په یوه ګلدانۍ کې ځای پر ځای شوي وو.

که څه هم طالبانو ویلي، چې د کابل په ګډون یې په ټول افغانستان کې خوندي امن برابر کړی، خو دا ډول پېښو وخت نا وخت خلکو ته مرګ ژوبله اړولې ده.

‎په افغانستان کې 'یو بهرنی خبریال' اختطاف شوی‎

طالبانو خبریالان د ښځو د لاریون پوښښ ته نه پریږدي
طالبانو خبریالان د ښځو د لاریون پوښښ ته نه پریږدي

په افغانستان کې د یو لوېدیځ خبریال د تښتول کېدو یا نیول کېدو راپورونه ورکړل شوې دي.

یوې سرچینې ازادي راډیو ته د دې لوېدیځ خبریال نادرکه کېدل تایید کړي.

ازادي راډیو دا مهال د دې خبریال د خوندیتوب په پار د نوموړي له نوم اخیستلو څخه ډډه کوي.

ځینې افغان خبریالان چې ادعا کوي په دې اړه معلومات لري وايي دا خبریال د یو شمېر نورو بهرنیو سره کابل کې نادرکه شوی دی.

تر اوسه پورې طالبانو د دې لوېدیځ خبریال او ورسره د نورو بهرنیو د نادرکه کېدو یا تښتول کېدو په اړه څه نه دي ویلي.

چارواکي: غور کې موټربم برید ۲۰ کسانو ته مرګ ژوبله واړوله

غور کې د موټربم چاودنې یو انځور
غور کې د موټربم چاودنې یو انځور

کورنیو چارو وزارت وايي، نن سهار ۱۱ بجې د غور ولایت د ښځو چارو، شهیدانو او معلولینو چارو ریاستونو مخې او د امنیه قوماندانۍ ته نږدې د یوه کرولا موټر په واسطه بمي برید شوی.

د دې وزارت ویاند طارق آرین وايي، د دې برید له امله ۲۰ کسان مړه او ټپیان شوي دي.

اخوا ویل کېږي، دغه چاودنه د غور ولایت د امنیه قوماندانۍ د موټرو په پارکېنګ کې شوې ده.

د غور د امنیه قوماندانۍ ویاند عبدالمعروف رامش ازادي راډیو ته وویل، چې چاودونه موټربم په وسیله شوې او ملکي خلکو ته یې درانه زیانونه اړولي خو ده د تلفاتو کره شمېرې په اړه جزییات ور نه کړل.

د دې چاودنې مسئولیت تر اوسه کومې ډلې پرغاړه نه ده اخیستی.

ملي امنیت پر امرالله صالح د برید په تور لس کسیزه وسله واله ډله نیولې

ارشیف
ارشیف

د افغانستان د ملي امنیت ځانګړو ځواکونو د وسله والو هغه لس کسیزه ډله نیولې چې د جمهوري ریاست پر لومړي مرستیال امر الله صالح یې حمله طرح کړې وه.

د افغانستان د ملي امنیت عمومي ریاست یوه سرچینه وایي، چې دغه کسان د یو لړ پېچلو هدفي علمیاتو په پایله کې نیول شوي دي.

سرچینه وايي په دې عملیاتو کې د داعش او حقاني شبکې اړوند هغه هسته هم نیول شوې چې په لوړ پوړو افغان چارواکو یې د حملې پلانونه درلودل.

ننګرهار چارواکي: د جنازې مراسمو کې ځانمرګي ۴۰ کسانو ته مرګ ژوبله اړولې

ارشیف
ارشیف

د ننګرهار په ښېوې ولسوالۍ کې د جنازې په مراسمو کې چاودنه وشوه.

د ننګرهار د والي ویاند ازادي راډيو ته وویل چې چاودنه نن شااوخوا ۱۱ بجې د سیمه‌ییزو پولیسو د یوه قوماندان شېخ اکرم د جنازې په مراسمو کې شوې.

ښاغلی خوګیاڼی وایي چې چاودنې ۴۰ کسانو ته مرګ‌ژوبله اړولې، خو دا چې څو تنه وژل شوي او څو یې ټپیان دي، تر دې دمه کره معلومات په لاس کې نه‌لري.

د سیمې یو شمېر سرچینو ازادي راډيو ته وویل چې د جنازې په مراسمو کې په ولسي جرګه او ولایتي شورا کې د ننګرهار د خلکو استازو هم ګډون کړی و چې په خبره‌یې، له دې ډلې د ولسي جرګې غړی نور اغا ملکزی او د هغه زوی ټپیان شوي دي.

وسله‌والو طالبانو په دغې پېښه کې لاس لرل رد کړي دي.

شېخ اکرم د ښېوې ولسوالۍ د سیمه‌ییزو پولیسو قوماندان و چې تېره شپه په ننګرهار کې د ورپېښې ناروغۍ له امله ومړ.

د کابل په پل محمودخان سیمه کې له زوروې چاودنې وروسته ډزې روانې دي

د کابل په پل محمدخان سیمه کې له زوروې چاودنې وروسته ډزې روانې دي. په دې چاودنه کې د چارواکو په وینا له ۶۰ زیات کسان ټپیان شوي دي.

د ازادي راډیو خبریال وایي، وسله وال ګلبهارټاور ته ننوتي او له هغه ځایه ډزې کوي.

په سیمه کې د امنیتي چارواکو ازادي راډیوته وویل چې د وداننۍ د ننه د تصفوېې عملیات روان دي.

د افغانستان د روغتیا وزارت ویاند وحیدالله مایارازادي راډیو ته وویل په دې چاودنه کې د ماشومانو په ګډون ۶۵ ټپیان شوي دي.

تراوسه د دغه برید مسولیت کومۍ وسله والې ډلې په غاړه ندی اخیستی.

په کابل کې دغه برید داسې مهال کیږي چې د افغانستان د ملي امنیت شورا تیره ورځ وویل چې سږپسرلۍ د تیرکال د همدې مودې په پرته په کابل کې د ترهګرو بریدونو تلفات په سلو کې نوي کم شوي دي.

د اوکراین پولیسو کیف کې له زرګونه مظاهره چیانو سره نښته وکړه

د اوکراین پولیسو پرون یکشنبه «۱۳۹۶ کال د لیندۍ ۲۶» په کیف کې له هغو زرګونه مظاهره چیانو سره نښته وکړه چې د ولسمشر پیټرو پروشینکو د محاکمې غوښتنه یې کوله او لارو او سړکونو ته را وتلي وو.

مظاهره چیانو همدا راز غوښتنه کوله چې د اوکراین لويې څارنوال له دندې لېرې شي.

زیات مظاهره چیان د اپوزیسیون د مشر میخائیل ساکاشویلي پلویانو وو د ولسمشر پیټرو پروشینکو له سختو منتقدانو دی.

د کیف پولیسو ویلي چې ۲۳ غړي یې له مظاهره چیانو سره په نښتو کې زخمیان شوي دي.

د پولیسو په وینا، خلکو هڅه کوله چې په کیف کې د اکټوبر ماڼۍ تالار ته ور ننوزي.

دا ودانۍ له ۲۰۱۳ تر ۲۰۱۴ میلادي کاله د اوکراین د پخواني ولسمشر ویکتوریانکوویچ پرضد د ولسي مظاهرو مرکز وو.

ترکیه کې د نجونو په لیلیه کې د اورلګېدو له امله ۱۲تنه وژل شوي

د ترکیې جنوبي ښار ادانا کې د نجونو په لیله کې د اورلګېدو له امله ۱۲ تنه وژل شوي دي.

په ترکیه کې د اروپايي چارو وزیر پرون سې‌شنبه ټلوېزیوني وینا کې په دې اړه وویل چې په دې لیلیه کې د اورلګېدنې اصلي علت لا نه‌دی څرګند شوی.

په لیلیه کې د یوه متوسط ښوونځي او لېسې زده‎کونکې اوسېدې.

په پېښه کې ۱۱ زده‎کونکې وژل شوي او ۲۲ تنه زخمیانې دي.

عزیز: پر افراطي ډلو فشار به تروریستي حملې زیاتې کړي

په بهرنیو چارو کې د پاکستان د صدراعظم سلاکار خبرداری ورکړ چې په دې هېواد کې پر افراطي ډلو زیات فشار راوستل ښايي معکوسه نتیجه ورکړي او تروریستي حملې لا زیاتې کړي.

سرتاج عزیز پرون جمعه په اسلام اباد کې خبریالانو ته وویل چې حکومت یې په تېرو دریو کلونو کې د تروریزم پرضد مبارزه کې د پام وړ پرمختګ کړی دی.

سرتاج عزیز زیاته کړه:

"زما په باور، هغه پرمختګ چې موږ په وروستیو دریو کلونو کې کړی ډېرمهم دی، موږ د ښوو او بدو طالبانو ترمنځ له توپیره پرته، د هغوی پرضد په مبارزه کې پرمخ روان یو، خو په دې کې چې څومره لرې حرکت کولای شو، په څومره شدت او ترکومه حده ولاړ شو خطر موجود دی، موږ هغې مرحلې ته را رسېدلي یو چې پردې اندېښنو غور کوو خو د وخت مناسبت ته پام کول مهمه خبره ده ."

سرتاج عزیز ټینګار وکړ چې د واشنګټن او اسلام ابادپه اړیکو کې ځانګړې ستونزې نه لیدل کېږي.

د سعودي پوځي ایتلاف مشرانو سره وکتل

د سعودي عربستان په مشرۍ د تروريزم پر ضد ايتلاف پوځي مشرانو پرون په رياض کې سره وکتل.

سعودي عرب په تېر ډسمبر مياشت کې د ۳۴ هېوادونو د ايتلاف اعلان وکړ او په فبرورۍ مياشت کې يې د لويې کچې نظامي تمرينات پيل کړل.

د سعودي عربستان بريد جنرال احمد عسيري له پرونۍ خبرو وروسته خبريالانو ته وويل چې ايتلاف د بنسټونو اېښودلو په مرحله کې دی.

عسيري وويل چې رياض دغه ايتلاف ته د پيسو ورکولو وړانديز کړی دی.

ده وويل چې دغه ايتلاف به د ملګرو ملتونو له مقرراتو سره سم چلند کوي.

ده دا هم ويلي چې د پوځي مشرانو دغې کتنې په راتلونکي کې د دفاع وزيرانو غونډې ته زمينه برابره کړه.

په دغه سني اکثريت ايتلاف کې د ناټو غړی ترکي او په اټمي وسلو سمبال پاکستان هم شامل دي.

خو ايران او انډونيزيا د دې اييتلاف برخه نه دي.

نور راوښيه

XS
SM
MD
LG