د بلخ ولايت په هوايي بلاك سيمه كې پر يوه اووه كلن ماشوم د جومات په حجره كې د جومات د قاري له خوا جنسي تېرى شوى دى.
د بلخ ولايت د استيناف څارنوالۍ مسوولين د پېښې په تاييد سره وايي، چې مشکوک كس يې نيولى او ترې تحقيقات دوام لري.
د دې ماشوم پلار وايي، د جومات قاري چې حيات نومېږي، پر زوى يې جنسي تېرى کړى او کله چې يې مسئله د جومات له امام سره شريکه کړه، هغه ورته ګواښ وکړ.
د ماشوم پلار ازادۍ راډيو ته وويل: «د جومات امام امر الدين د دې ترڅنګ چې زموږ ادعا يې ونه منله زما پر مېرمنې يې هم لاس پورته كړ»
دغه ٧ کلن ماشوم مصطفى وويل:
«ټول يې رخصت كړل، قاري ما ته د تېرو درسونو د تكرار په بهانه وويل چې ته چېرې لاړ نه شې، لكه چې ټول ووتل پردې يې راكښته كړې او ورسته يې پر ما تېرى وكړ»
د تورن كس خپلوان دا مسئله ردوي او وايي، چې د پېښې په اړه شواهد نه دي موجود< ترڅو پر ده د ترسره شوي تېري اثبات وكړي.
د جومات ملا امام خبرو ته حاضر نه شو.
د بلخ د عامې روغتيا د عدلي طب د څانګې مشر محمد الله عطايي وويل: معايناتو دا ثابته كړه چې پر ماشوم جنسي تېرى شوى.
د بلخ ولايت د ماشومانو د ځانګړې څارنوالۍ مسوولين پر مصطفى د جنسي تيري موضوع تاييدوي او وايي چې مشکوک كس يې نيولى او تحقيقات يې ورڅخه پيل كړي دي.
تر دې پخوا هم په جوماتونو كې دننه پر ماشومانو د جنسي تيري راپورونه د شمالي له مختلفو ولايتونو ورکړل شوي وو.
مجيب الرحمن حبيبزى، مزارشريف
د بلخ ولايت د استيناف څارنوالۍ مسوولين د پېښې په تاييد سره وايي، چې مشکوک كس يې نيولى او ترې تحقيقات دوام لري.
د دې ماشوم پلار وايي، د جومات قاري چې حيات نومېږي، پر زوى يې جنسي تېرى کړى او کله چې يې مسئله د جومات له امام سره شريکه کړه، هغه ورته ګواښ وکړ.
د ماشوم پلار ازادۍ راډيو ته وويل: «د جومات امام امر الدين د دې ترڅنګ چې زموږ ادعا يې ونه منله زما پر مېرمنې يې هم لاس پورته كړ»
دغه ٧ کلن ماشوم مصطفى وويل:
«ټول يې رخصت كړل، قاري ما ته د تېرو درسونو د تكرار په بهانه وويل چې ته چېرې لاړ نه شې، لكه چې ټول ووتل پردې يې راكښته كړې او ورسته يې پر ما تېرى وكړ»
د تورن كس خپلوان دا مسئله ردوي او وايي، چې د پېښې په اړه شواهد نه دي موجود< ترڅو پر ده د ترسره شوي تېري اثبات وكړي.
د جومات ملا امام خبرو ته حاضر نه شو.
د بلخ د عامې روغتيا د عدلي طب د څانګې مشر محمد الله عطايي وويل: معايناتو دا ثابته كړه چې پر ماشوم جنسي تېرى شوى.
د بلخ ولايت د ماشومانو د ځانګړې څارنوالۍ مسوولين پر مصطفى د جنسي تيري موضوع تاييدوي او وايي چې مشکوک كس يې نيولى او تحقيقات يې ورڅخه پيل كړي دي.
تر دې پخوا هم په جوماتونو كې دننه پر ماشومانو د جنسي تيري راپورونه د شمالي له مختلفو ولايتونو ورکړل شوي وو.
مجيب الرحمن حبيبزى، مزارشريف