د لاسرسۍ وړ لېنکونه

تازه خبر
سه شنبه ۱ چنګاښ ۱۴۰۰ کابل ۰۹:۱۳

ګیټس: اوباما د افغانستان په اړه د خپل پوځ پر وړاندیزونو باور نه درلود


په یوه نوي کتاب کې د امریکا د دفاع پخواني وزیر رابرټ ګیټس د افغانستان په اړه د ولسمشر باراک اوباما پر تګ لاره انتقاد کړی دی.

امریکايي رسنیو د ډیوټي یا وظیفې په نامه د دې کتاب چې ټاکل شوې راتلونکې اونۍ خپور شي، ځیني خپرې کړي دي.

رابرټ ګیټس ویلي، ولسمشراوباما د افغانستان او عراق د جګړو په اړه چې ده ته د پخواني حکومت څخه په میراث کې پاتي وې، ناراحته و.

جمهوري غوښتونکي ګیټس چې؛ د ولسمشراوباما په حکومت کې څلور نیمه کاله د دفاع د وزیر په توګه دنده ترسره کړې، په دې کتاب کې لیکلي:

په ۲۰۱۱ کال کې چې؛ کله دی په سپینه ماڼۍ کې په یوې غونډه کې ونو فکر يې وکړ چې؛ ولسمشراوباما پرخپلو قومندانانو اعتماد نه کوي، د افغانستان جمهور رئیس حامد کرزۍ نه شي زغملی او د افغانستان په اړه پرخپله ستراتیژۍ باورنه لري.

د ډیوټي په نامه کتاب کې د متحده ایالاتو د دفاع پخواني وزیر لیکلي:

ولسمشراوباما د افغانستان جګړه خپله نه ګڼي او د هغه لپاره یوازې دا مهمه ده چې څرنګه له دې جګړې اووځي.

د رابرټ ګیټس په وینا باراک اوباما د افغانستان په اړه د متحده ایالاتو د پوځ پر پیشنهادونو او انتخابونو باورنه درلود.

په کتاب کې دا هم راغلي سپینې ماڼۍ په دوامداره توګه د امریکا د دفاع وزارت یا پنتاګون په چارو کې مداخله کړې ده.

خو د امریکا د دفاع پخواني وزیرد پاکستان په ایبټ اباد کې د اسامه بن لادن د وژلو په اړه د ولسمشر اوباما پریکړه ستایلې ده او لیکي چې دا د ده د وظیفې پر مهال د سپینې مانۍ ترټولو زړوره پریکړه وه.

رابرټ ګیټس د ولسمشراوباما پرمرستیال جوبایډن هم انتقاد کړی او په دې کتاب کې يې لیکلي چې؛ بایډن تقریباّ د هرې بهرنۍ پالیسۍ په برخه کې خطا دریځ او تګ لاره لرلې ده.

سپینې ماڼۍ د دفاع د پخواني وزیر د لیکنې په عکس کې ویلي، ولسمشراوباما د القاعده شبکې د ځپلو او ماتولو لپاره ژمن دی.

د سپینې ماڼۍ د ملي امنیت شورا په خپله اعلامیه کې ویلي، د ولسمشراوباما اداره د روان میلادي کال په پای په افغانستان کې د جګړې د پای ته رسولو لپاره ښکاره پلان لري.
XS
SM
MD
LG