په کابل کې شدید امنیتي تدابیر نیول شوي دي
د افغانستان د کورنیو چارو وزارت وایي چې د ځینو تروریستي حملو مخه یې نیولې چې هدف یې د مشورتي لویې جرګې د امنیت ګډوډول وو. د دې وزارت ویاند د سه شنبې په ورځ آزادي راډیو ته وویل چې د لویې جرګې د امنیت ګډوډولو په تور یې ځینې کسان هم نیولي دي. د تیرې شنبې په ورځ په کابل ښار کې د مشورتي لویې جرګې ځای ته نږدې د ښوونې او روزنې د پوهنتون مخې ته انتحاري حمله وشوه، دیارلس تنه پکې ووژل شول او نه ویشت نور ټپيان شول.