نن د اختر ورځ ده، خو دا ورځ په بېلابېلو هېوادونو کې د مسلمانانو له خوا په بېلابېلو ډولونو نمانځل کیږي.
په دې ورځ خان او غریب دواړه خوشالۍ کوي، خو د دوې په خوشالیو کې بیا ځینې توپيرونه موجود وي.
سره له دې چې اختر خان او غریب نه پيژني د ټولو لپاره د خوشالی ورځ وي، خو د هغو خلکو لپاره بیا یو څه توپیر لري چې د اختر د نمانځلو لپاره په کور کې خواړه او ځانونه یې په جامو پټ وي.
خلک به وایي چې وزیران د اختر له نمانځلو خوند اخلي، ځکه هم امکانات لري او هم خوشالی، خو دوی پخپله بیا وایي چې د ډیرو کارونو له امله اختر له خپلو کورنیو سره سم نشي نمانځلې.