د بلخ نجونو د ځغاستې سیالۍ ترسره کړه
په بلخ ولایت کې په لسګونو نجونو د ښځو پر وړاندې د تاوتریخوالي، د نشه يي توکو او اداري فساد پرضد د ځغاستې په سیالۍ کې ګډون وکړ. د دې سیالۍ ګډون کوونکي وايي، چې دوی به دغه ډول سیالیو ته دوام ورکوي، څو په افغانستان کې د دغو پدیدو مخه ونیول شی او د دوی په وینا، دا د نجونو لومړۍ سیالۍ وه، چې د افغانستان په شمال کې ترسره کیږي. د بلخ ولایت د مدني ټولنې یوه فعاله فرزانه رحیمی وايي، چې دا ډول سیالۍ ډېرې ګټورې دي او کولای شي، چې له همدې لارې خپل غږ، خلکو، افغان دولت او نړېوالې ټولنې ته ورسوي.