د کابل ښار د ښوونځیو یو شمیر ښوونکي او زده کوونکي وایي، د پوهنې وزارت اجازه نه ورکوي چې خپلې ستونزې رسنیو ته ووايي.
دوی ازادۍ رادیو ته وویل، له رسنیو سره د ځینو ستونزو د شریکولو له امله د وزارت د چارواکو له خوا تهدیدېږي.
د افغانستان د ژورنالیستانو اتحادیه دا چلند د بیان د ازادۍ خلاف ګڼي.
د پوهنې وزارت وايي ،له دې قیوداتو څخه د دوى هدف د نظم او دسپلین تامینول او د تدریس د جریان د ګډوډولو مخنیوی دی.
