د مونټي نيګرو خلک نن رايه ورکوي
د اروپا په کوچني او غرني هیواد مونټې نګرو کې نن د ولسمشرۍ انتخابات کېږي. اټکل کېږي چې اوسنی ولسمشر "فلیپ ویانو ویچ" به د درېم ځل لپاره بریالی شي. ویانو ویچ د صدراعظم میلو "ډیوکانو ویچ" نژدې متحد دی. له همدې کبله د ویانو ویچ بری دا مانا لري چې؛ واکمن ايتلاف به پر واک منګولې لا کلکې کړي. ویانو ویچ په انتخاباتي مبارزه کې خلکو ته وعده ورکړې چې؛ په مونټې نګرو کې به ډیموکراسي لا وغوړوي او د ناټو او اروپايي اتحادیې د غړیتوب لپاره به هڅې وکړي.