په کابل کې د شپاړلس کلنو د سوک وهنې سیالۍ
د کابل سوک وهنې د ټیم د انتخاب لپاره په دې ښار کې د سوک وهنې د بیلابیلو ټیمونو ترمنځ سیالۍ د شنبې په ورځ پیل شوې؛ په دې سیالیو کې یو اتیا کسانو برخه اخیستې چې شپږویشت تنه به یې په کې غوره شي. د المپیک د کمیټې د سوک وهنې د فدراسیون چارواکي وايي چې؛ دارنګه سیالۍ هر کال په کابل او د هیواد په پنځو زونونو کې کیږي. په عین حال کې یو شمیر سوک وهوونکي شکایت کوي چې؛ دوی ته د دولت له خوا لازمې اسانتاوې نه دي رامنځ ته شوي. خو المپیک د کمیټې مسوولینو وايي چې، په کابل کې د بوکس یو نوی جمنازیوم جوړ شي.