یان کوبیش: وسلوال طالبان دې له تاوتریخوالي لاس واخلي
په افغانستان کې د ملګروملتونو د سازمان ځانګړی استازی هیله څرګندوي، چې قطر ته د ولسمشر کرزي کیدونکی سفر په دې هېواد کې د سولې پر پروسې مثبته اغیزه پرې باسي. یان کوبیش، چې د چهارشنبې په ورځ یې په کابل کې یوه مطبوعاتي کنفرانس ته خبرې کولې، له وسله والو طالبانو نه هم وغوښتل، چې له تاوتریخوالي لاس واخلي او د سولې له بهیر سره یوځای شي. کابل او واشنګټن د روان میلادي کال په سر کې د سولې هڅې د چټکولو په هدف په قطر کې د طالبانو لپاره د دفتر پر پرانیستلو موافقه وکړه.