د کابل والي وایي، چې د ښار د وضعې د ښه کیدو لپاره یې پنځه کلنه پراختیايي طرح جوړه کړې ده.
عبدالجبار تقوا د چهارشنبې په ورځ په کابل کې خبریالانو ته وویل، چې د دوې په دې پلان کې درې پروژې شاملې دي.
تره خیلو ته د کابل ولایت د ودانۍ انتقال، د کابل به د څوارلسو ولسوالیو کې د لویو پارکونو جوړول او د ځینو نورو کارونو ترسره کول د دې طرحې مهمې برخې دي.
د کابل والي عبدالجبار تقوا د چهارشنبې په ورځ په یوه خبري غونډه کې وویل، دا طرح ځکه ورته مهمه ده چې د کابل ولایت پراختیا د دوې د کارونو لومړیتوب دی:
(هغه څه چې زموږ په پراختیايي پلان کې ډیر مهم دي، درې ډیرې مهمې پروژې دي.
اول د کابل ولایت د ودانۍ انتقال چې اوس په یو محدود ځای کې ده، چې ټول کانتینرونه ورنه چاپیر دي.
دوهمه برخه د کابل ښار نا متوازنه پراختیا ډیره د اندیښنې وړ ده، زموږ په پلان کې د کابل ښار اقمار په پام کې نیول شوي دي.
دریمه مساله چې په دې پراختیايي پلان کې ډیره مهمه ده په څوارلس ولسوالیو کې د ملي پارکونو جوړول دي).
عبدالجبار تقوا وایي، چې د ۱۳۹۲ لمریز کال پراختیایي پلان بشپړ شوی او د څلورو راتلونکو کلونو لپاره د پلان په جوړولو کار روان دی.
ښاغلي تقوا وویل، په کابل ښارکې د غیر پلاني او خپل سره کورونو جوړول جدي ستونزو دي.
په ورته وخت کې د کابل ښار یو شمېر اوسیدونکي د دې ترڅنګ چې د کابل ولایت د پنځه کلنې طرحې جوړولو هرکلۍ کوي، خو وایي چې د کابل وضعې ته په کتو داسې ښکاري چې د دې پلانونو جوړول به کومه نتیجه ونه لري.
د کابل ولایت چارواکي په داسې حال کې د دې ښار د پراختیا په هڅه کې دي چې ډیر شمېر خلک په دې ښار کې له ترافيکي ګڼې ګوڼې، ککړ چاپیریال او د سړکونو خرابوالی له امله شکایت کوي.
خو افغان چارواکي او ځینې کتونکي بیا د دې ستونزو اصلي لامل په کابل ښار کې د وګړو ډیریدل بولي.
د دوي په خبره کابل ښار یواځې د یو میلون کسانو لپاره جوړ شوی، حال دا چې اوس پنځه میلونه خلک پکې ژوند کوي چې دا پخپله د کابل ښار د پراختیا پر وړاندې لویه ستونزه ده.
جمیله ظریف
عبدالجبار تقوا د چهارشنبې په ورځ په کابل کې خبریالانو ته وویل، چې د دوې په دې پلان کې درې پروژې شاملې دي.
تره خیلو ته د کابل ولایت د ودانۍ انتقال، د کابل به د څوارلسو ولسوالیو کې د لویو پارکونو جوړول او د ځینو نورو کارونو ترسره کول د دې طرحې مهمې برخې دي.
د کابل والي عبدالجبار تقوا د چهارشنبې په ورځ په یوه خبري غونډه کې وویل، دا طرح ځکه ورته مهمه ده چې د کابل ولایت پراختیا د دوې د کارونو لومړیتوب دی:
(هغه څه چې زموږ په پراختیايي پلان کې ډیر مهم دي، درې ډیرې مهمې پروژې دي.
اول د کابل ولایت د ودانۍ انتقال چې اوس په یو محدود ځای کې ده، چې ټول کانتینرونه ورنه چاپیر دي.
دوهمه برخه د کابل ښار نا متوازنه پراختیا ډیره د اندیښنې وړ ده، زموږ په پلان کې د کابل ښار اقمار په پام کې نیول شوي دي.
دریمه مساله چې په دې پراختیايي پلان کې ډیره مهمه ده په څوارلس ولسوالیو کې د ملي پارکونو جوړول دي).
عبدالجبار تقوا وایي، چې د ۱۳۹۲ لمریز کال پراختیایي پلان بشپړ شوی او د څلورو راتلونکو کلونو لپاره د پلان په جوړولو کار روان دی.
ښاغلي تقوا وویل، په کابل ښارکې د غیر پلاني او خپل سره کورونو جوړول جدي ستونزو دي.
په ورته وخت کې د کابل ښار یو شمېر اوسیدونکي د دې ترڅنګ چې د کابل ولایت د پنځه کلنې طرحې جوړولو هرکلۍ کوي، خو وایي چې د کابل وضعې ته په کتو داسې ښکاري چې د دې پلانونو جوړول به کومه نتیجه ونه لري.
د کابل ولایت چارواکي په داسې حال کې د دې ښار د پراختیا په هڅه کې دي چې ډیر شمېر خلک په دې ښار کې له ترافيکي ګڼې ګوڼې، ککړ چاپیریال او د سړکونو خرابوالی له امله شکایت کوي.
خو افغان چارواکي او ځینې کتونکي بیا د دې ستونزو اصلي لامل په کابل ښار کې د وګړو ډیریدل بولي.
د دوي په خبره کابل ښار یواځې د یو میلون کسانو لپاره جوړ شوی، حال دا چې اوس پنځه میلونه خلک پکې ژوند کوي چې دا پخپله د کابل ښار د پراختیا پر وړاندې لویه ستونزه ده.
جمیله ظریف