د لاسرسۍ وړ لېنکونه

تازه خبر
یکشنبه ۹ سلواغه ۱۴۰۱ کابل ۱۱:۱۴

نړۍ

د پاکستان حکومت د پنځه کلنې دورې تر پوره کولو وروسته خپل پارلمان منحل کړ

د پاکستان ملکي حکومت ددې هیواد په تاریخ کې لومړنی حکومت شو چې خپله قانوني پڼخه کلنه دوره یې بشپړه کړه.

د پاکستان صدراعظم راجا پرویز اشرف د حکومت ناکامۍ ومنلې؛ خو د دې سربیره یې وویل، چې د حکومت د قانوني دورې پوره کوله په دې هیواد کې د ډیموکراسۍ بریا په ګوته کوي.

"دا سمه ده چې موږ په تیرو پنځو کلونو کې ونه توانیدو چې په هیواد کې د شاتو او شیدو ویالي روانې کړو. خو موږ هڅه وکړه، چې هغه شمېر ستونزې قابو کړو، چې موږ ته په میراث پاتې وې.

موږ خپلې ټولې سرچینې پر دې وکارولي چې؛ د ډیموکراسۍ اساسات پیاوړي کړو او اوس د الله په فضل ډیموکراسي ډیره پیاوړي ده او راتلونکې که به هیڅوک ونه شي کولی چې؛ پر شا یې وتنبوي."

وروسته له هغې چې په ۱۹۴۷ م کال کې پاکستان خپلواکي تر لاسه کړې ده د دې هیواد په پوځ تقریباً د دې مودې په نیمايي کې پر پاکستان واک چلولی دی او درې ځلې یې کوداتاګانې کړې دي.

د پاکستان دا حکومت چې قانوني موده یې پوره شوې ده او په ډیموکراته توګه انتخاب شوی و، د خپل واک پر مهال له ګڼو ستونزو سره مخ و. په دې کې د اسلامپالو وسله والو له خوا خونړي بریدونه، فرقه يي شخړې، جدايي غوښتنې، طبیعي پیښې او د بریښنا او انرژۍ د سرچینو په برابرولو کې د چارواکو پاتې راتګ له مهو ستونزو څخه وو.

تمه ده چې په دې هیواد کې به په راتلونکو نوي ورځو کې انتخابات ترسره شي.

پخواني معلومات:

د پاکستان حکومت د پنځه کلنې دورې په پوره کولو سره د دې هیواد په تاریخ کې یو مهم پړاو ترسره کړ.

د دې هیواد صدراعظم په دې مناسبت خپله وینا کې دا بریا وستایله او دایې د ډیموکراسې بریالیتوب وباله.

د پاکستان خلکو ته په وینا کې راجه پرویز اشرف وویل؛ په پاکستان کې د ډیموکراټو او غیرې ډیموکراټو قوتونو ترمنځ شخړه اوږد تاریخ لري. خو د نوموړي په وینا، ډیموکرات قوت بالاخره بریا تر لاسه کړه.

بیګا نیمه شپه د قانوني مودې له پوره کولو وروسته د دې هیواد پارلمان منحل شو او سرپرست یا نګران حکومت به د دې هیواد چارې د عمومي انتخاباتو تر ترسره کیدو پورې پر مخ بیايي چې؛ ټاکل شوې په راتلونکو ۹۰ ورځو کې وشي.

د پاکستان د سیاستوالو ترمنځ ژور اختلافات د دې سبب شول چې؛ د شنبې په ورځ د دې هیواد پارلمان په خپله وروستۍ غونډه کې د سرپرست حکومت جوړولو سلا نه شي.

د پاکستان صدراعظم راجه پرویز اشرف ویلي چې؛ د سرپرست صدراعظم او اعلی وزیرانو د ټاکنې په اړه به له ټولو ګوندونو سره سلا مشورې دوام وکړي.

د پاکستان د انتخاباتو مرکزي کمیسون د مۍ د اتمې او لسمې نیټې ترمنځ د انتخاباتو د ترسره کیدو سپارښتنه کړې ده.

د پاکستان دا حکومت چې دوره یې بشپړه شوې د کورنیو مشکلاتو ترڅنګ د خپل واک په دوره کې د امریکا د متحدو ایالتونو سره هم په جدي ستونزو کې ښکیل شو، په ځانګړې توګه وروسته له هغې چې په ۲۰۱۱ م کال کې په ایبټ اباد کې اسامه بن لادن د ځانګړي امریکايي ځواکونو په یو برید کې ووژل شو.

د ورځې تازه خبرونه دلته ولولئ

هند له نیوزیلنډ سره د شل اوریزو لوبو لوبلړۍ ۱ـ۱ برابره کړه

د هند او نیوزیلنډ له لوبې یو انځور

کوربه هندوستان په لکنو ښار کې د ۶ وېکټو په توپیر دویمه شل اوریزه سیالي له نیوزیلنډ وګټله او په دې سره یې روانه لوبلړۍ برابره کړه.

نیوزیلنډ لومړۍ توپ وهنه وکړه او د ۸ لوبغاړو په سوځېدو یې د ۱۰۰ منډو هدف وټاکه.

هند هم ورکړل شوی هدف د ۲۰م اور په پنځم توپ ترلاسه کړ او یوازې ۴ لوبغاړي یې وسوځېدل.

د دې لوبې لپاره ویشتنځای سخت جوړ شوی و او یوازینی مخکښ توپ وهونکی سوریا کومار یادو چې تر شلو زیاتې، ۲۶ ناسوځېدلې منډې یې وکړې او د لوبې غوره لوبغاړی ونومول شو.

د دواړو لوبډلو توپ اچونکي ښه وځلېدل، خو هندی ارشدیپ سینګ یوازینی توپ اچونکی و چې ۲ لوبغاړي یې وسوځول.

د دې لوبلړۍ لومړۍ لوبه نیوزیلنډ ګټلې وه او په پلان کې ده چې د لوبلړۍ درېیمه لوبه د فبرورۍ میاشتې په لومړې نېټه ترسره شي.

د یادونې ده چې په دې لوبلړۍ کې د دواړو هېوادونو ځيني نوموتي لوبغاړي نه لوبېږي.

د سویلي افریقا لوبډلې له انګلستان لوبلړۍ وګټله

د انګلستان او سویلي افریقا د نننۍ لوبې یو انځور

د سویلي افریقا او انګلستان ترمنځ د کرکټ نړیوالې شورا د سوپر لیګ سیالیو دویمه یو ورځنۍ لوبه هم کوربه هېواد په ۵ وېکټو وګټله.

سویلي افریقا د انګلستان د ۳۴۳ منډو هدف د ۵ وېکټو په سوځېدو سره په ۴۹،۱ اور کې ترلاسه کړ او په دې سره یې د ۳ یو ورځنیو لوبو لومړنۍ دوه لوبې وګټلې.

په دې سیالۍ کې د انګلستان لپاره لوبډلمشر جاس بټلر، هیري بروک او معین علي نیمې سلیزې ووهلې او هدف ته د رسېدو په پار د کوربه هېواد لوبډلمشر ټیمبا بهوما سلیزه ووهله، هغه ۱۰۹ منډې وکړې، خو د ډیوېډ میلر ۵۸ او د مارکو یانسین ۳۸ ناسوځېدلو منډو سویلي افریقا بریا ته ورسوله.

بهوما د دې لوبې غوره لوبغاړی ونومول شو.

سویلي افریقا د دې دواړو لوبو په ګټلو سره ۲۰ نومرې ترلاسه کړې چې ټولټال نومرې یې ۷۹ ته ورسېدې او په دې سره یې د کرکټ نړیوالې شورا د سوپرلیګ په سیالیو کې نهم مقام ترلاسه کړ.

د ۲۰۲۳ زېږدیزکال د کرکټ نړیوال جام سیالیو ته چې په هند کې به ترسره شي تر دې دمه د افغانستان په ګډون ۷ لوبډلو نېغ په نېغه لار موندلې ده او یوه بله لوبډله هم چانس لري چې نېغ په نېغه لار پیدا کړي.

د یادونې ده چې د اتم مقام ترلاسه کولو لپاره اوس مهال سویلي افریقا، ویسټ اینډیز او سریلانکا مقابله کوي، خو که سویلي افریقا د فبرورۍ په لومړۍ نېټه له انګلستان درېيمه یو ورځنۍ سیالي هم وګټي، نو دې مقام ته به ورسېږي.

کرکټ؛ د هندوستان کم عمره نجونو نړیوال جام وګاټه

د هندوستان تر ۱۹ کلنو کم عمره نجونو لوبډله

د هندوستان تر ۱۹ کلنو کم عمره نجونو په سویلي افریقا کې د ۷ وېکټو په توپیر سره انګلستان ته ماتې ورکړه او په دې سره یې د شل اوریزو سیالیو نړیوال جام وګاټه.

انګلنډ چې لومړۍ پاڼې یې کړې وه د ټولو لوبغاړو په سوځېدو سره یې د ۶۹ منډو هدف ټاکلی و.

هند د ۳ لوبغاړو په سوځېدو سره په ۱۴م اور کې هدف ترلاسه کړ او اتلولي یې وګټله.

دغه سیالۍ چې د کرکټ نړیوالې شورا له لوري په لومړي ځل په سویلي افریقا کې ترسره شوې ۱۶ هېوادونو په کې برخه درلوده.

په دې سیالیو کې هندۍ لوبغاړې شوېتا سیهراوت تر ټولو توپ وهونکو مخکښه وه او په ۷ لوبو کې یې ۲۹۷ منډې کړې وې.

دغه راز په توپ اچونکو کې بیا اسټرلیایۍ ایلن کلارک تر نورو زیاتې ۱۲ وېکټې اخستې وې.

د یادونې وړ ده چې د کرېکټ له نړیوالې شورا سره افغانستان یوازینی بشپړ غړیتوب لرونکی هېواد و چې په دې سیالیو کې لوبډله نه درلوده.

په پاکستان کې د ټرافیکي پېښې له کبله لږترلږه ۴۰ کسان مړه شوي

ژغورونکې ډله د مړو او ټپیانو د لېږدولو پرمهال

د پاکستان په بلوچستان ایالت کې نن سهار له یوه پله څخه د بس موټر د لوېدو له کبله لږ تر لږه ۴۰ کسان مړه شول.

یوه چارواکي نن یکشنبه ویلي چې بس وروسته اور واخیست.

د بلوچستان د لسبیکو ولسوالۍ یوه لوړ رتبه چارواکي حمزه انجم د پېښې په ځای کې رسنیو ته ویلي، درې کسان ژغورل شوي او په بس کې ۴۸ کسان سپاره وو.

د ده په وینا بس د یوه پله له ستون سره ولګېد چې وروسته له خپل مسیر څخه ووت.

په پاکستان کې د زیاتو ټرافیکي پېښو علت د ټرافیکي قوانینو نه رعایت، د خوندیتوب کمزوري تدابیر او د چلوونکو بې احتیاطي ښوول شوې ده.

ایراني چارواکي: بې پېلوټه الوتکو په اصفهان کې یوه دفاعي فابریکه ویشتلې

بمب لېږدوونکو بې پېلوټه الوتکو برید کې په اصفهان کې د ایران ویشتل شوې یوه دفاعي فابریکه

ایراني چارواکو نن سهار ویلي، بمب لېږدوونکو بې پېلوټه الوتکو تېره شپه په اصفهان کې د ایران یوه دفاعي فابریکه ویشتلې ده او څه ناڅه یې زیانمنه کړې ده.

دا پېښه داسې وخت کېږي، چې د ایران حکومت له سیمه ییز او نړیوال کړکېچ سره لاس و ګرېوان دی.

د ایران دفاع وزارت په دې باب معلومات نه دي ورکړي چې په دې حمله کې د چا د لاس لرلو شک کېږي، خو وايي دا د بې پېلوټه الوتکو ناکامه حمله وه، چې مرګ ژوبله یې نه ده اړولې.

حمله داسې وخت شوې چې پرون شنبه د ایران په اذربایجان غربي ولایت کې د تېلو په یوه چاڼځای کې اورلګېد.

په دې اورلګېدنه کې د مرګ ژوبلې راپور نه دی ورکړل شوی.

په همدې اذربایجان غربي ولایت کې پرون شنبه ناوخته یوې زلزلې لږ تر لږه درې کسان مړه تر ۶۶۰ زیات کسان ټپیان او ځینې کورونه زیانمن کړل.

د اسراییل پولیسو په بیت المقدس کې د فلسطیني بریدګر کور مهر و لاک کړ

په بیت المقدس کې اسراییلي ځواکونه

د اسراییل پولیسو نن په بیت المقدس کې د هغه فلسطیني کور مهر و لاک کړ چې د یهودانو له یوه عبادتځای دباندې یې د جمعې په ورځ اووه کسان په ډزو سره ووژل.

دا اقدام وروسته له هغې وشو چې د اسراییل صدراعظم بنیامین نتنیاهو د وژنو تر هغې پېښې وروسته د چټک اقدام ژمنه وکړه.

په اوو وژل شویو کسانو کې یو ۱۴ کلن ماشوم هم شامل دی.

د وژنو دا پېښه د یهودانو د ډله ییزې وژنې یا هالوکاست د یاد په ورځ وشوه، چې په نړیواله سطحه وغندل شوه.

له دې سره په سیمه کې د کړکېچ د لا زیاتېدو وېره اوج ته ورسېده.

بلخوا په پام کې ده، د امریکا د متحدو ایالتونو د بهرنیو چارو وزیر انټوني بلېنکن راتلونکې اوونۍ مصر، اسراییل او لوېدیځې غاړې ته سفر وکړي.

پیټرپاول د چک د جمهوري ریاست ټاکنې وګټلې

پیټر پاول او د هغې مېرمن

د چک پوځ پخوانی مشر پیټرپاول د جمهوري ریاست په ټاکنو کې پخواني صدراعظم اندرې بابیش ته ماتې ورکړه.

پیټرپاول د لوېدیځ ملاتړی دی او له اوکراین سره د مرستې ننګه کوي.

ده تېره شپه په پلازمېنه پراګ کې خپلو پلویانو ته وویل: "زه یوازې له هغو کسانو څخه نه چې ماته یې رایه راکړې، له هغو څخه هم مننه کوم چې ماته یې رایه نه ده راکړې او د رایي ورکولو لپاره راوتلي وو، ځکه چې دغه کسان ډیموکراسۍ ته او څه ته چې په دې هېواد کې تېرېږي اهمیت ورکوي."

د چک پخواني صدراعظم او میلیاردر اندري بابیش خپله ماتې ومنله.

۶۱ کلن پاول د انتخاباتي کمپاین پرمهال ژمنه کړې وه چې په کلکه به د ناټو، اروپایي ټولنې او له اوکراین سره د مرستې ملاتړ کوي.

د جنوبي کوریا په هوایي ډګر کې ۵ روسان سرګردانه دي

د جنوبي کوریا بیرغ

د جنوبي کوریا په هوایي ډګر کې پنځه روسان سرګردانه دي.

دوی وروسته تر دې له روسیې تښتېدلي وو چې ولسمشر ولادیمیر پوتین د جګړې لپاره د سفر بري اعلان وکړ.

دا کسان د اکتوبر او نومبر په میاشتو کې سیول ته ولاړل، د پناه اخیستو غوښتنه وکړه، خو دا وړاندیز رد شو.

دوی له هغه وخته تر اوسه په هوایي ډګر کې ژوند کوي او انتظار دي چې د پناه اخیستو درخواست به یې ومنل شي.

سیول ته د روسیې اتباع له ویزې پرته هم تللی شي، خو د جنوبي کوریا د کډوالو د چارو اداره دا واک لرې چې دې هېواد ته د چا د داخلېدو مخه ونیسي.

دا پنځه تنه چې هویت یې په بشپړ ډول نه دی مشخص شوی له هغو سلګونو زرو روسانو څخه دي چې د سفر بري له اعلان وروسته له روسیې تښتېدلي دي.

په چک جمهوریت کې 'پیټر پاول' د ولسمشرۍ دویم ځلي ټاکنې وګټلې

پیټر پاول او د هغه مېرمن

په چک جمهوریت کې لوېدیځ پلوه کاندید پیټر پاول چې له اوکراین سره د مرستې ملاتړی و، له پخواني صدراعظم او میلیاردر اندرې بابیش څخه د ولسمشرۍ دویم ځلي ټاکنې وګټلې.

پاول به د میلوش زیمان پرځای د چک د ولسمشر په توګه خپله دنده پیل کړي.

د رایې ورکولو تقریباً ټولو مرکزونو د شمېرل شویو رایو له مخې پاول تر ۵۸ فیصدو زیاتې رایې ګټلې دي.

په چک کې د ولسمشرۍ دویم ځلي ټاکنې د جمعې په ورځ پیل شوې او د شنبې په ورځ پای ته ورسېدې.

د هند د هوايي ځواک د جټ الوتکو په سقوط کې یو پیلوټ مړ شوی

په روسیه کې یوې جوړې شوې سوخوی سو-۳۰ ډوله جټ الوتکې او د فرانسې ساخت میراج-۲۰۰۰ جټ الوتکو ظاهراً د نوي ډیلي په جنوب کې سره ټکر وکړ.

د هند د هوايي ځواک د دوو جټ الوتکو په سقوط کې یو پیلوټ مړ شوی او دوه نور ټپیان شوي دي.

په روسیه کې یوې جوړې شوې سوخوی سو-۳۰ ډوله جټ الوتکې او د فرانسې ساخت میراج-۲۰۰۰ جټ الوتکو ظاهراً د نوي ډیلي په جنوب کې سره ټکر وکړ.

دا په داسې حال کې ده، چې د هند حکومت هڅه کوي خپل وسله وال ځواکونه عصري او د پېچلو امنیتي ګواښونو په وړاندې مبارزه وکړي.

نور راوښيه

XS
SM
MD
LG