د لاسرسۍ وړ لېنکونه

تازه خبر
سه شنبه ۲۱ زمری ۱۳۹۹ کابل ۱۱:۳۹

نړۍ

امریکایی فلم جوړونکی"سټیفن سپیلبرګ" په کشمېر کې فلم جوړوي

راپورونه وایي، د امریکا د متحده ایالاتو مشهور فلم جوړونکی او د اوسکار جايزې وړونکی "سټیفن سپیلبرګ" غواړي؛ هغه فلم جوړ کړي، چې یوه برخه یې په کمشېر کط د هند او پاکستان د بېلتون په کرښې کې ډکیږي.

سپیلبرګ د هند ممبی ښار ته د سفر پر مهال وویل؛ دا فلم به د ده د فلم جوړولو کمپنۍ "ډریم ورکس سټوډیو" Dream Works Studios او د هندي کمپنۍ "ریلاینس انټرټینټمڼت" Reliance Entertainment په ملګرتیا سره جوړ شي.

سپیلبرګ وایي، د دغه فلم سناریو برابره شوې، خو د فلم ډایرکټر او ځای یې تر اوسه نه دی ټاکل شوی.

د ورځې تازه خبرونه دلته ولولئ

د امریکا د بهرنیو چارو وزیر نن پراګ ته ورسېد

مایک پومپیو پراګ ته د رسېدو پر مهال.

د امریکا متحده ایالاتو د بهرنیو چارو وزیر مایک پومپیو د مرکزي اروپا د پنځه ورځني سفر په لړ کې نن د چک جمهوریت پلازمېنې پراګ ته ورسېد.

د ده د خبرو په اجنډا کې د «5G» انټرنټي شبکې په جوړولو کې د چین د رول په اړه بحثونه شامل دي.

مایک پومپیو به دوه ورځې په چک جمهوریت کې تېروي بیا به سلووېنیا، اتریش او پولنډ ته ځي چې هلته د ځینو هغو امریکايي پوځیانو هرکلی وکړي چې له جرمني په وتو دي.

د پومپیو هڅو یو هدف دا دی چې هېوادونه وهڅوي څو د چین د ټکنالوژۍ له کمپنۍ هواوې سره همکاري ونه‌کړي.

واشنګټن دغې چینايي کمپنۍ ته د یوه ګواښ په سترګه ګوري او وايي د انټرنټ په پنځم نسل یا «5G» کې یې مخکښ رول اخیستی دی.

پومپیو به په عین حال کې اروپا هم وهڅوي چې د روسیې پر انرژۍ خپله اتکا کمه کړي.

د امریکا د بهرنیو چارو وزیر به سبا د چک جمهوریت له صدراعظم اندري بابیش سره تر کتنې مخکې د چک او امریکا د ټکنالوژۍ کمپنیو له غړو سره د «5G» په اړه وګوري.

پوتین: روسیه کې جوړ شوی د کرونا ویروس واکسین د کارونې لپاره تیار دی

د کرونا ویروس ضد واکسین چې په روسیه کې جوړ شوی دی.

د روسیې ولسمشر وايي د کرونا ویروس ضد هغه واکسین چې په روسیه کې جوړ شوی د کارونې لپاره تیار شوی دی.

ولادیمیر پوتین چې نن د حکومت یوې غونډې ته خبرې کولې د دې اعلان پر مهال وویل، یوې لور ته‌یې له وخته دغه واکسین لګول شوی دی.

ولسمشر پوتین وویل، په لومړنیو ازموینو کې ثابته شوې چې دغه واکسین «اغېزناک» دی او د کرونا ویروس په وړاندې انسانانو ته خوندیتوب ورکوي.

د نړۍ په سطحه د کرونا ویروس ضد تر ۱۰۰ زیات واکسینونه جوړ شوي، خو لږ تر لږه څلور واکسینونه پر انسانانو د ازموینو په درېیمه مرحله کې دي.

دا په داسې حال کې ده چې نن په نړۍ کې په کرونا ویروس د اخته کسانو شمېر تر ۲۰ میلیونو واوښت.

د کرونا ویروس له خپرېدو سره سره نيوزيلنډ کې کرکټ سيالۍ کېږي

ارشيف

د نیوزیلنډ د کرکټ چارواکو پرون وویل چې پاکستان، اسټرالیا، بنګله دېش او ویسټ انډیز تایید کړې ده، چې د کرونا له وبا سره- سره به په نیوزیلنډ کې د کرکټ په نړیوالو سیالیو کې برخه اخلي.

د نیوزیلنډ د کرکټ ادارې اجرائیه مشر ډېویډ وایټ وویل، د کرکټ د هغو ټیمونو د تجرید لپاره چې دغه هېواد ته ورځي په ویلینګټن کې له چارواکو سره کار روان دی.

ښاغلي وایټ خبریالانو ته وویل: " ما ټیلیفوني خبرې کړي، ویسټ انډیز، پاکستان، اسټرالیا او بنګله دېش تائید کړې، چې په دغو نړیوالو سیالیو کې به چې ۳۷ ورځې دوام کوي برخه اخلي."

د نیوزیلنډ د کرکټ ادارې اجرائیه مشر د دغو سیالیو د مهالوېش په اړه جزئیات ورنه کړل.

د نورو هېوادونو لوبغاړي چې کله نیوزیلنډ ته داخلېږي، د اصولو له مخې باید د ۱۴ ورځو لپاره په شدید ډول قرنطین شي.

په دغه هېواد کې چې پنځه میلیونه وګړي لري په کرونا ویروس تر اوسه یوازې ۲۲ کسان مړه شوي او دغه هېواد اعلان کړی، چې د وروستۍ مثبتې پېښې راهیسې یې په ۱۰۰ ورځو کې بله مثبته پېښه نه ده ثبت کړې.

د امریکا د بهرنیو چارو وزیر چک جمهوریت ته رسېدلى

مايک پومپیو

د امریکا د متحدو ایالتونو د بهرنیو چارو وزیر مایک پومپیو د مرکزي اروپا د پنځه ورځني سفر په لړ کې نن د چک جمهوریت پلازمېنې پراګ ته ورسېد.

د ده د خبرو په اجنډا کې د 5G انټرنېټي شبکې په جوړولو کې د چین د رول په اړه بحثونه شامل دي.

مایک پومپیو به دوې ورځې په چک جمهوریت کې تېروي بیا به سلووینیا، اتریش او پولنډ ته ځي چې هلته د ځینو هغو امریکايي پوځیانو هرکلی وکړي، چې له جرمني په وتو دي.

د پومپیو هڅو یو هدف دا دی چې هېوادونه وهڅوي څو د چین د ټکنالوژۍ له کمپنۍ هواوې سره همکاري ونه کړي.

واشنګټن دغې چینايي کمپنۍ ته د یوه ګواښ په سترګه ګوري او وايي د انټرنېټ په پنځم نسل یا 5G کې یې مخکښ رول اخیستی دی.
پومپیو به اروپا وهڅوي، چې د روسیې پر انرژۍ خپله اتکا کمه کړي.

د امریکا د بهرنیو چارو وزیر به سبا د چک جمهوریت له صدراعظم اندري بابیش سره تر کتنې مخکې د چک او امریکا د ټکنالوژۍ کمپنیو له غړو سره د 5G په اړه وګوري.

د بیلاروس په اعتراضونو کې يو کس وژل شوى

بيلاروس کې د ټاکنو د پایلو پر ضد د اعتراضونو يو انځور

بيلاروس د ولسمشرۍ د ټاکنو د رسمې پایلو د اعلان پرضد د اعتراضونو په ترڅ کې په پلازمېنه مينسک کې یو کس وژل شوی دی.

د بېلاروس د کورنیو چارو وزارت ويلي، دا معترض هغه مهال مړ شو چې په لاس کې یې نامعلومه چاودېدونکي مواد وچاودېدل.

د دې وزارت په وينا نوموړي هڅه کوله چې دا مواد د پوليسو خوا ته وغورځوي.

د راپورونو له مخې پوليسو د دې مظاهرو پر مهال پر معترضانو اوښکې بهوونکی ګاز او ربړي مرمۍ وکارول او لسګونه کسان يې ونيول.

د یکشنبې په ورځ د ولسمشرۍ د ټاکنو په ورځ پولیسو شاوخوا زر کسان یوازې په پلازمېنه مينسک او ۳زره کسان په ټول هېواد کې ونیول.

د بېلاروس د ټاکنو کمېسیون د اګست پر نهمه اوسنی ولسمشر الکساندر لوکاشینکا د دې هېواد د ولسمشر په توګه اعلان کړ. مظاهره چيان وايي چې دا ټاکنې له مخکې پلان شوې وې. لوکاشینکا په خپله د اګست پر ۱۰مه دا مظاهره چيان پسونه وبلل چې د ده په وینا له بهرنیو هېوادونو څخه د ټيلېفون له لارې اداره کېږي.

نوموړي ویلي چې له دې کسانو سره له پولنډ، بریتانیا او چک جمهوریت څخه ټیلېفوني اړیکې نیول شوي.

سپینې ماڼۍ ته نږدې ډزو د ډونالډ ټرمپ غونډه ګډه وډه کړه

ټرمپ له غونډې د وتو پرمهال

د سپینې ماڼۍ احاطې ته نږدې ډزو د ډونالډ ټرمپ غونډه ګډه وډه کړه

د امریکا ولسمشر ډونالډ ټرمپ د سپینې ماڼۍ احاطې ته نژدې له ډزو وروسته د یوې مطبوعاتي غونډې له منځه په بېړه وایستل شو.

له ډزو څو شېبې وروسته د خفیه خدماتو یوه اېجنټ د کرونا ویروس پر وړاندې د حکومت د اقداماتو په اړه د ولسمشر ټرمپ وینا پرې کړه او ورته ویې ویل: "ښاغلی ولسمشر هیله کوم له ما سره راشئ."
له دې سره ټرمپ او همکاران یې د کنفرانس له خونې ووتل.

ولسمشر ټرمپ وروسته راستون شو، خبري غونډې ته یې دوام ورکړ او ویې ویل چې وضعیت تر کنټرول لاندې دی.
هغه زیاته کړه چې د قانون د تنفیذ ځواکونو پر یوه مشکوک کس ډزې وکړې.

د خفیه خدماتو ادارې وروسته پر ټویټر په یوه بیان کې تائید کړه چې د سپینې ماڼۍ دېواله ته نژدې ډزې شوي او په نتیجه کې د دې ادارې یو ایجنټ او یو نارینه ټپيان شوي او روغتون ته رسول شوي دي.
په بیان کې راغلي دي چې د پېښې په ټول بهیر کې نه څوک د سپینې ماڼۍ حریم ته ننوتي او نه یې ساتونکي زیانمن شوي دي.

بیلاروس کې پولیسو یو شمېر اعتراض کوونکي نیولي

د اګست پر نهمه هم پولیسو شاوخوا زر کسان یوازې په منسک کې او په ټول هېواد کې ېې درې زره کسان نیولي وو.

پولیسو د بیلاروس په پلازمېنه منسک کې یو شمېر اعتراض کوونکي مخکې تر دې چې د ټاکنو د کمېسیون د وروستۍ پرېکړې پر ضد لاریونونو ته دوام ورکړي، نیولي دي.

لسګونه کسان د اګست پر لسمه داسې مهال ونیول شول چې د ټاکنو کمېسیون الکساندر لوکاشینکا رسماً د بیلاروس د ولسمشر په توګه اعلان کړ.

د اګست پر نهمه هم پولیسو شاوخوا زر کسان یوازې په منسک کې او په ټول هېواد کې ېې درې زره کسان نیولي وو.

دغو کسانو د هغې نظر پوښتنې له کبله اعتراض کړی وو چې ویلي یې وو څه باندې اتیا سلنه خلکو د لوکاشینکا د ولسمشرۍ لپاره مثبته رایه ورکړې ده.

اعتراض کوونکي دا ټاکنې له وړاندې پلان شوې بولي.

د یوې مخکښې مخالف کاندیدې سویتلانا څیخانوسکایا پلویانو ویلي وو چې دوی به د کمېسیون د پرېکړې پر ضد پراخ اعتراضونه وکړي.

د بیلاروس د کورنیو چارو وزارت د بشري حقونو د فعالانو هغه راپورونه ردوي چې وایې په دې اعتراضونو کې یو کس وژل شوی دی.

پخپله لوکاشینکا د اګست پر لسمه دا اعتراض کوونکي پسونه وبلل چې د ده په وینا له بهرنیو هېوادونو څخه د ټیلیفون له لاري رهبري کېږي.

نوموړي ویلي له دغو کسانو سره له پولنډ، بریتانیا او چک جمهوریت څخه ټیلیفوني اړیکې نیول شوي.

امریکا په روسیه کې د بهرنیو رسنیو پر نښه کولو اندېښنه څرګنده کړه

د امریکا د بهرنیو چارو وزیر مایک پومپیو

د امریکا د بهرنیو چارو وزیر مایک پومپیو وایي، واشنګټن د روسیې لخوا په هغه هېواد کې د بهرنیو رسنیو په نښه کولو د نویو هڅو له کبله ژوره اندېښنه لري.

ښاغلي پومپیو په هغې اعلامیې کې چې د اګست پر لسمه خپره شوه ویلي، د روسیې دولت لخوا د رسنیو د تنظیم تګلاره چې مسوده یې په دې وروستیو کې خپره شوه، پر آزادې اروپا / آزادي راډیو او امریکا غږ چې له وړاندې له غیرعادلانه محدودیتونو سره مخامخ دي، نوي او درانه مقررات وضع کوي.

پومپیو ویلي په روسیې کې د خپلواکو رسنیو د پرله پسې ځپلو څخه ناخوښ دی او پر دغه هېواد یې غږ وکړ چې د بیان د آزادۍ په برخه کې خپل مکلفیتونه پرځای کړي.

د روسیې د رسنیو د تنظیم فدرالي ادارې په جولای میاشت کې د یوه فرمان مسوده خپره کړه چې پر اساس یې هغه ټولې رسنۍ، چې د بهرنیو رسنیو د استازو په توګه ثبت شوي، څه چې چاپوي یا خپروي باید څرګند کړي.

د نوي سپارښتنې څخه سرغړونه کېدای شي د افرادو لپاره ۱۰۰ زره روبله چې د ۱۴۰۰ ډالرو معادل کېږي، جریمه ولري او یا به سرغړونکي ۱۵ ورځي په توقیف کې تېروي.

لویې ادارې به د سرغړونې په صورت کې ۵ میلیونه روبله چې د ۷۰ زره ډالرو معادل کېږي جریمه ورکوي.

د آزادې اروپا/ آزادي راډیو سرپرستې دیسې سندلار د جولای پر ۲۳ ویلي وو چې دا نوې سپارښتنه پر رسنیو لا ډېر محدودیت او د اورېدونکو ترمنځ د وېرې خپرولو په هدف کېږي.

د بیلاروس ټاکنو کمېسیون: الکساندر لوکاشینکا ولسمشریزې ټاکنې وګټلې

الکساندر لوکاشینکا

د بیلاروس مرکزي ټاکنو کمېسیون اعلان وکړ چې ولسمشر الکساندر لوکاشینکا د رايو په اکثریت خپلولو سره ولسمشریزې ټاکنې وګټلې.

دا وروسته له هغه چې د دې هېواد امنیتي ځواکونه په پلازمېنه منسک او نورو ښارونو کې له لاریون کوونکو سره لاس او ګرېوان شول.

دوی وايي په ټاکنو کې درغلي شوې ده.

شخړه وروسته له هغې پیل شوه، چې د رایې ورکولو له مرکزونو د باندې په نظرپوښتنو کې ولسمشر الکساندر لوکاشینکا د ولسمشرۍ په ټاکنو کې مخکښ وګڼل شو.

خو د اپوزیسیون عمده کاندیدې دغه پايلې رد کړې.

له پاکستان څخه افغانستان ته د افغان کډوالو د ستنېدو لړۍ بېرته پیل شوه

ارشیف

له پاکستانه، افغانستان ته د کرونا ویروس له کبله د افغان کډوالو د ستنېدو ځنډېدلی بهیر نن بېرته پیل شو.

په اسلام اباد کې د ملګرو ملتونو د کډوالو ادارې ویاند قيصرخان اپريدي ازادي راډيو ته وويل چې نن د دوشنبې په ورځ د اګست په لسمه نېټه د افغان کډوالو داوطلبانه ستنېدل بېرته پیل شول.

له مارچ میاشتې راهیسې د افغان کډوالو د بېرته ستنېدو بهیر درېدلی وو.

د اپريدي په وينا دا کډوال به له دوو مرکزونو ستنېږي.

افریدي وویل چې يو مرکز د خیبرپښتونخوا نوښار او بل د بلوچستان ایالت په کوټه ښار کې دی.

هلته د خلکو د تثبیت لپاره چارواکي شته او د دوشنبې او سې شنبې په ورځو به دا مرکزونه پرانیستې وي.

د ملګرو ملتونو د کډوالونړیوالې ادارې د معلوماتو له مخې له ۲۰۰۲ کال راهیسې تر دې دمه خوا اوشا څلور څلویښت لکه افغان کډوال بېرته افغانستان ته ستانه شوي دي.

د دې ادارې د شمېرو له مخې اوسمهال په پاکستان کې څه باندې څوارلس لکه ثبت شوي او اته لکه پرته له ثبته کډوال مېشت دي.

امریکا کې د کرونا ویروس د مثبتو پېښو شمېر له ۵ میلیونو واوښت

ارشیف

د امریکا په متحدو ایالتونو کې د کرونا ویروس د مثبتو پېښو شمېر تر پنځو میلیونو واوښت.

په دغه هېواد کې چې د نړۍ په سطحه کرونا ویروس سخت ځپلی، د دې وبا د خپرېدو د سوکه کېدو یو څه نښې لیدل شوي دي.

ویل کېږي چې په امریکا کې به د معاینې ظرفیت ته په پام سره د کرونا ویروس د مثبتو پېښو واقعي شمېر خورا زیات وي، ځکه په دې ویروس په ګڼو اخته کسانو کې د ناروغۍ نښې نښانې نه ښکاري.

د امریکا په سویل او لوېدیځ کې د ویروس د خپرېدو له زیاتوالي سره د جون له نیمايي ګڼې سیمې مجبوره شوي چې کارونه بارونه وځنډوي یا یې بیا پرانیستل بل وخت ته پلان کړي.

په دغه هېواد کې په کرونا ویروس د مړو کسانو شمېر تر یولک او ۶۲۰۰۰ زیات دی.

بلخوا نیوزیلنډ پرون اعلان وکړ، چې په دغه هېواد کې په ۱۰۰ ورځو کې چا ته دغه ویروس نه دی انتقال شوی دی.

بیلاروس کې امنیتي ځواکونه له لاریون کوونکو سره په شخړه اوښتي

د تُت ټکی بای خپلواک خبري ویبسایت د ټویټر په حساب کې د زورزیاتي د ځینو صحنو تصویرونه خپاره شوي دي.

د بېلاروس امنیتي ځواکونه په پلازمېنه منسک او نورو ښارونو کې له لاریون کوونکو سره په شخړه واوښتل.

شخړه وروسته له هغې پیل شوه، چې د رایې ورکولو له مرکزونو بهر په نظرپوښتنو کې ولسمشر الکساندر لوکاشینکا د ولسمشرۍ په ټاکنو کې مخکښ وګڼل شو، خو د اپوزیسیون عمده کاندیدې دغه نتایج رد کړي دي.

د بېلاروس دولتي ټلویزیون پرون راپور ورکړ، چې رسمي نظرپوښتنې ښيي لوکاشینکا د پرونیو ټاکنو کې ۷۹ اعشاریه ۷ فیصده رایې ګټلې دي.

د دغو اټکلونو له مخې د اپوزیسیون عمده کاندیدې سویتلانا څیخانوفسکایا په سلو کې ۶ اعشاریه ۸ فیصده رایې ګټلې دي.

تر دغه اعلان وروسته په زرګونو کسانو د منسک پر لارو سړکونو لاریونونه وکړل.

د تُت ټکی بای خپلواک خبري ویبسایت د ټویټر په حساب کې د زورزیاتي د ځینو صحنو تصویرونه خپاره شوي دي.

په ځینو لومړنیو راپورونو کې د ګڼو کسانو د نیول کېدو خبره شوې ده.

د پسرلي په نوم د بشري حقونو یوه ډله د نیول شویو کسانو شمېر ۱۲۶ تنه ښيي او په وینا یې په دوی کې ۱۶ ژورنالیستان او ۴۰ څارونکي شامل دي.

نایجیریا کې د ۶ فرانسوي ګرځندویانو په ګډون ۸ کسان وژل شوي

ارشیف

پرون د نایجیریا په یوه توریستي سیمه کې د شپږو فرانسوي ګرځندویانو په شمول اته کسان وژل شوي.

د نایجیریا د جَنوب لویدیځ ولایت تیلابیري والي تادجاني ابراهیم کاتیلا د فرانسې خبري اژانس ته ویلي چې په دغو خلکو باندې وسله والو کسانو ډزې کړې دي.

هغه ویلي په وژل شویو کې شپږ فرانسویان، د هغوی یو محلي لارښود او موټر چلوونکی شامل دي.

په دغو ګرځندویانو باندې د برید مسئولیت تر پرون ناوخته کومې ډلې په غاړه نه و اخیستی.

پاکستان کې سیلابونو نږدې ۵۰ تنه مړه کړي

د راپورونو په اساس د پاکستان پوځیان په سیلاب ځپلو سیمو کې د خلکو مرستې ته وردانګلي.

په پاکستان کې تېرې درې ورځې سیلابونو لږ تر لږه پنځوس تنه مړه کړي.

په بېلابېلو سیمو کې سخت موسمي اورښتونه د سیلابونو د راوتلو او خلکو ته د زیان رسېدو لامل شوي.

ډېر زیان په خیبرپښتونخوا کې خلکو ته رسېدلی.

د پاکستان د بېړنیو حالاتو سره د مبارزې ادارې ویلي په خیبر پښتونخوا کې ۱۹ کسان، په سند کې دولس، په ګلګت کې لس او په پنجاب کې اته کسان مړه شوي.

دوی له خلکو سره د مرستو لپاره له پوځ همکاري غوښتې.

د راپورونو په اساس د پاکستان پوځیان په سیلاب ځپلو سیمو کې د خلکو مرستې ته وردانګلي.

جرمني د افغان سولې ټینګښت کې د فعال رول لوبولو ته چمتووالی وښود

د افغانستان لپاره د جرمني ځانګړی استازی مارکُس پوتزل

جرمني په افغانستان کې د سولې د ټینګښت په پروسه کې د فعال رول لوبولو ته چمتووالی ښودلی دی.

د افغانستان لپاره د جرمني ځانګړي استازي مارکُس پوتزل په یوه خبرپاڼه کې چې د سولې د مشورتي لویې جرګې د پرېکړه‌لیک له خپرېدو وروسته خپره شوه ویلي د ۴۰۰ طالب بندیانو د خوشې کېدو د فرمان له لاسلیک سره دواړه لوري باید د بین‌الافغاني خبرو پیل ته چمتو شي.

ښاغلی پوتزل وايي چې له دې خبرو سره په یوه وخت کې باید د ټول هېواد په کچه اوربند ټینګ شي.

نور راوښيه

XS
SM
MD
LG